Petër Dillçev merret me zhvillimin e turizmit në mesë të natyrës së egër. Ai është i bindur, se tek ne mund të shihen zogj të llojllojshëm dhe të rrallë, kafshë të era dhe bimë interesante.

“Për nga larmia biologjike Bullgaria radhitet në vendin e parë në Evropë, bashkë me Spanjën – tregon zoti Dillçev. – Territori i vendit tonë është mjaftë më i vogël, kështu që tek ne mund të shihen shumë gjëra interesante për një kohë më të shkurtër. Organizojmë ekskursione, në mesë të natyrës së egër, një lloj turizmi tepër i njohur në Evropën Perëndimore. Megjithëqë të huajit vijnë që të njihen me natyrën ata shfaqin interes edhe ndaj traditave dhe kulturës bullgare, ndaj fenomeneve historike. Mbi territorin e Bullgarisë kalojnë dy nga rrugët e migrimit të zogjve shtegtarë dhe shumë admirues të natyrës së egër vijnë këtu. I ati im – Nikollaj Dillçev, ishte pionieri i kësaj veprimtarie në Bullgari. Ai i hodhi themelet e vëzhgimit të zogjve në mjedisin e tyre të natyrshëm. Ishte biolog për nga arsimi. Edhe nëna ime ishte biologe. Që kur isha i vogël u ndihmova atyre, mbarova etnologji dhe marrëdhënie ndërkombëtare. Pas kësaj punova në shumë institucione, por ideja ime ishte të grumbulloj një përvojë të pasur dhe dituri, që të vazhdoj veprën e të prindërve.”

Në Bullgari mund të vëzhgohen zogj të rrallë gjatë tërë vitit. Interes për vëzhgimin e shpendëve, kafshëve dhe bimëve shfaqin më tepër turistët britanikë, por nuk janë pak edhe miqtë nga Belgjika, Gjermania, Zvicra, Holanda. Në të gjitha ato vende ky lloj turizmi ka popullaritet të madh.

“Tek ne kanë ardhur edhe turistë nga Japonia, Afrika Jugore, Zelanda e Re, Australia – tregon Petër Dillçevi. – Të huajit mbeten të mahnitur nga natyra e bukur dhe nga mikpritja e bullgarëve. Kur organizojmë itineraret turistike për miqtë tanë nga jashtë më parë diskutojmë çfarë dëshirojnë të vështrojnë. Dihet, se në mbarë Evropën nuk ka ndonjë vend më të mirë për vëzhgimin e zogjve grabitqarë dhe të egër se sa rajoni lindor i malit Rodopa. Mundësi më të mira siguron pranvera. Admiruesit e natyrës patjetër duhet të vizitojnë rezervatin natyror “Srebërna”. Ky është vendi i vetëm në Bullgari ku bënë foletë pelikanët kaçurrelë. Ndër të tjerët ky lloj bënë fole vetëm në tri rajone të tjera të Evropës. Gjatë vjeshtës zogjtë shtegtarë migrojnë në të ashtuquajturën “via pontika”.

Një lloj i rrallë dhe i kërcënuar është rosa gushëkuqe. Ky shpendë kalon dimrin në Bullgari. Ngandonjëherë përafërsisht 90 për qind prej popullatave botërore kalojnë dimrin tek ne. Ciceronët, të cilët i shoqërojnë turistët janë specialist në fusha të ndryshme. Punojmë me pedagogë universitarë, punëtorë shkencorë. Vitet e fundit shihet një interes më të madh ndaj ekskursioneve për vëzhgimin e zogjve në vendin tonë. Por shteti duhet t’i kushtojë një vëmendje më të madhe këtij biznesi dhe të ndihmojë në popullarizimin e tij. Ka shumë të huaj të cilët shfaqin interes ndaj larmisë biologjike dhe natyrës së egër tek ne. Dhe pavarësisht nga ku vijnë ata mbeten për gjithmonë miq të Bullgarisë.”

Përgatiti në shqip: Svetllana Dimitrova

Fotografitë janë ofruar nga Petër Dillçevi