Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Kënga, muzika, mirësia me të vërtetë mund të shpëtojnë botën” – Ilina Todorova për 25 vjetorin e “Fëmijëve të Radios” dhe koncertin e ardhshëm

БНР Новини
Foto: Bulfoto

Grupi më i ri i radios do të shënojë ditëlindjen e vet të 25 me një koncert të madh ditën e diel më 15 maj në Studion numër 1 të Radios Kombëtare Bullgare, nga ora 17. Muzikantët e vegjël dhe Ilina Todorova – themeluese dhe dirigjente e grupit vokal të fëmijëve, kanë përgatitur për festën e vet 25 këngë – nga një për çdo vit nga jeta e “Fëmijëve të Radios”. Mbase nuk do të mund t’i këndojnë që të gjitha këngët gjatë koncertit, por gjatë muajve të fundit i incizuan për fondin e Radios Kombëtare Bullgare.




Si grup “Fëmijët e Radios” ata u paraqitën në eterin kombëtar me incizimet e veta të para, grupet muzikore të medies sonë tanimë kanë një histori të gjatë. “Fëmijët e Radios” është mes formacioneve, të cilët kanë vënë fillimin e grupeve “të ndryshme” vokale, të përbëra prej këngëtarëve të vegjël – tregon Ilina Todorova. – Kremtimi i festave të mëdha të krishtere supozonte që të ketë dhe muzikë dhe këngë të posaçme, kushtuar Pashkës dhe Krishtlindjes. Në fonotekën e radios sonë mungonin dhe shumë nga këngët e vjetra shkollore. U paraqit një nevojë prej një grupi vokal të fëmijëve, i cili ta incizojë këtë repertor. Kemi një repertor mjaft të madh, i cili përfshin krijime, të krijuar posaçërisht për “Fëmijët e Radios”. U kushtojmë vëmendje dhe këngëve të bukura shkollore për fëmijët nga e kaluara.” Ilina Todorova ka përfunduar Shkollën Kombëtare Muzikore “Ljubomir Pipkov” në degën e pianos, më vonë dhe Akademinë Kombëtare Muzikore në Sofje. Por puna e saj me “Fëmijët e Radios” i hap drejtime të reja.

“Me të vërtetë që u nevojit të mësoj gjëra të reja – tregon ajo. – Pasi përfundova degën e dirigjimit koral tek profesoresha Lilija Gjuleva, fillova punë në Radion Kombëtare Bullgare dhe qesh disa vjet mjeshtre e koreve në korin e Fëmijëve të Radios – kjo qe një përvojë shumë e dobishme. Kur krijuam “Fëmijët e Radios” duhej të zgjedh një mënyrë krejtësisht tjetër të punës. Tek ne ka fëmijë fare të vegjël në moshën 3-4 vjeç. Më të mëdhenjtë në këtë moment janë në moshë 12 vjeçe. Përpara disa vjetëve qemë për vizitë në Riga në Radion e tyre Kombëtare Zhvilluam një koncert të përbashkët me formacionin e tyre të fëmijëve, ku qe i pranishëm dhe kompozitori i madh leton Rajmond Paullush. Disa herë kemi qenë në Festivalin Ndërkombëtar të Arteve në Sen Deni-në Francë.”

Mes kompozitorëve të cilët i kanë përkushtuar krijimet e veta muzikantëve të vegjël janë krijues të njohur bullgar si – Vili Kazasjan, Petër Stupell, Bencion Eliezer, Vjaçesllav Kushev, Ljubomir Denev. A ka akoma këngë të pa incizuara të cilat “Fëmijët e Radios” duan të përfshijnë në repertorin e vet?

“Mbase do të incizonim këngën “O, reja ime e vogël”, një këngë shumë e njohur në bazë të tekstit të Ran Bosilekut – përgjigjet Ilina. – Gëzohem shumë se incizuam këngën “Lule e dashur” – një pamje klasike, e cila i edukon fëmijët në një dashuri ndaj natyrës, ndaj Zotit. Këngët të cilat i përgatitëm për koncertin përfshijnë historinë e grupit tonë – që nga të parat e përfshira në repertor deri tek më të rejat. Kompozitori i ri Vlladimir Canev, i cili jeton në Japoni, shkroi posaçërisht për 25 vjetorin tonë “Këndoni me “Fëmijët e Radios”. Ajo do të tingëllojë në koncert. Kemi ftuar dhe ish pjesëmarrës në grup. Ata do të marrin pjesë në këngën finale me titull “O, shok, tungjatjeta” ideja e së cilës është që muzika dhe e mira me të vërtetë mund të shpëtojnë botën.”

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Jazz and Art Festival në Oreshak mbledh interpretues nga disa kontinente

Nga 11 deri më 14 korrik edicioni i dytë i Jazz and Art Festival në Oreshak, mbledh së bashku interpretues nga Kuba, Argjentina, Kina, Brazili, Serbia, Franca dhe Bullgaria, njoftoi Ivanka Xhabraillova, menaxhere e Ekspozitës Kombëtare të..

botuar më 24-07-11 6.30.PD
Lili Ivanova

"Tërfilat"

Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe zgjedhja e saj e muzikantëve më të mirë me të cilët këngëtarja ka punuar ndër vite. Para pak..

botuar më 24-07-09 6.30.PD

“Dashuri dhe këngë" - koncerte verore me këngë të përjetshme bullgare

Projekti "Dashuri dhe këngë" takon në skenë breza artistësh të dashur bullgarë, të cilët ndër vite krijuan hite në stile të ndryshme muzikore. Grupi “Diana Ekspres” , i cili feston 50 vjetorin në skenë, vëllezërit Argirovi , legjenda e..

botuar më 24-07-08 6.15.PD