Njëzet vjet pas themelimit në vitin 1996 Procesi i Bashkëpunimit në Evropën Juglindore mbajti në Sofje takimin e radhës vjetor. Në fakt themelet u hodhën me iniciativë të Bullgarisë me nënshkrimin e Deklaratës për Fqinjësi të Mirë, Stabilitet, Siguri dhe Bashkëpunim midis Shqipërisë, Bosnje e Hercegovinës, Bullgarisë, Greqisë, Maqedonisë, Rumanisë, Serbisë (në atë kohë Serbisë dhe Malit të Zi) dhe Turqisë. Që atëherë e deri më sot Procesi i Bashkëpunimit në Evropën Juglindore po zhvillohet pa u ndërprerë. Në dekadën e tretë kjo nismë hyri me akoma pesë vende anëtare – Kroaci, Moldavi, Malin e Zi, Slloveni dhe Kosovë. Ndërsa disa organizata të tjerra regjionale ndërpriten veprimtarinë e tyre si Iniciativa për Bashkëpunim në Evropën Juglindore në vitin 2006 dhe Pakti i Stabilitetit në vitin 2008.

Një nga shenjet për zhvillim është se gjatë takimit të tanishëm në Sofje u diskutua çështja për caktimin e një selie të përhershme të Sekretariatit të Përhershëm të Asamblesë Parlamentare të Procesit për Bashkëpunim në Evropën Juglindore. Vitaliteti i iniciativës shpjegohet kryesisht me zgjidhjen adekuate të problemeve rajonale. Vitin e fundit, gjatë kryesisë së Bullgarisë, një nga prioritetet kishte të bënte me përballimin e fluksit të madh të migrantëve. Me propozim të Sofjes gjatë shkurtit vendet pjesëmarrëse nënshkruan një deklaratë të përbashkët për përballimin solidar dhe me përgjegjësi të sfidave dhe me ndarjen e barabartë të peshës së fluksit të emigrantëve në regjion.

Një prioritet tjetër i rëndësishëm i kryesisë bullgare ishte lidhja e infrastrukturës energjetike. Kështu gjatë muajve të fundit në fazë vendimtare hyri projekti për lidhjen e sistemeve të përcjelljes së gazit të Bullgarisë dhe Greqisë dhe vetëm para një dite u nënshkrua marrëveshja për ndërtimin e një gazsjellës rezervë pranë interkonektorit midis Bullgarisë dhe Rumanisë.

Ndihma e ofruar e Bullgarisë si anëtare e BE ndihmoi pjesërisht për zgjidhjen e problemeve të Procesit të Bashkëpunimit në Evropën Juglindore dhe ky fakt e rriti suksesin e kryesisë sonë. I tillë ishte rasti me angazhimin para pak kohe të Shërbimit Evropian për Rojë Kufitare dhe Bregdetare të ofrojë ndihmë në frenimin e presionit të migracionit nëpër kufirin midis Bullgarisë dhe Turqisë. Kjo është në favor edhe për vendet e tjera të Evropës Juglindore.

Kryesia bullgare e Procesit të Bashkëpunimit në Evropën Juglindore koincidoi pjesërisht edhe me kryesinë bullgare të Komitetit të Ministrave të Këshillit të Evropës – nga nëntori i 2015 deri në maj të 2016. Angazhimi i vendit tonë me dy kryesi në bazë të rotacionit pa dyshim kontribuoi për grumbullimin e përvojës për kryesinë e ardhshme bullgare të Këshillit të BE, që do të jetë në vitin 2018. Atëherë përvoja jonë në rregullimin e çështjeve regjionale mund të bëhet e dobishme edhe për eksperiencën e tërë BE.

Përgatitën në shqip: Svetllana Dimitrova dhe Sofia Popova