Sot 3 qershor 2016 është koncerti i grupit Sentimental Swingers në Sofje Life Club, në të cilin këngëtaret prezantojnë zyrtarisht videon e re për këngën “Unë nuk bëj kështu”. Muzika dhe teksti janë shkruar posaçërisht për to nga trombetari dhe kompozitori Mihaill Josifov. Interpretimi është përfshirë në albumin e tyre të parë – “Cradle of Love”. Sot vajzat festojnë gjithashtu ditëlindjen e grupit të tyre.

Fillimi i projektit është në vitin 2010. Atëherë Andronija Popova, Desisllava Andonova dhe Vera Shandell, bashkë me muzikantët e sekstetit të Mihaill Josifovit ringjallën vitet e arta të swing-ut, na kujtuan bukurinë e xhazit dhe i dhanë një jetë të re këngës së qytetit. Stili i tyre është specifik dhe nuk mund të gabohet. Ai garanton zbavitje të madhe, koncertet e Sentimentall Swingers-it janë një përzierje prej emocioneve dhe ritmeve prekëse, të përshtatshme për çdo një shije.

Videoja e këngës së Desit, Verës dhe Ronit është xhiruar nga Katerina Tamburkovska, operatori është Ivan Kunçev. Regjisorja e re e infektuar me virusin e swing-ut e krijoj spotin vetëm disa muaj pas daljes së albumit“Cradle of Love”, bashkë me Ivan Kunçev dhe kjo është puna e tyre e diplomës në Akademinë Kombëtare për Art Teatral dhe Kinematografik.

Në video marrin pjesë gjithashtu vajzat dhe djemtë e shkollës për swing Lindy Hop Bulgaria.