Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zhvillim i ri i marrëdhënieve me Rumaninë

Zotërinjtë Çollosh dhe Borisov
Foto: Agjencia Telegrafike Bullgare

Gjatë javës së kaluar një vizitë në Bullgari bëri kryeministri rumun Daçina Çollosh. Bisedimet me homologun e tij bullgar Bojko Borisov treguan se kohët e fundit marrëdhëniet midis dy shteteve jo vetëm që janë aktive por edhe pasurohen.

Dy ditë para takimit të të dy kryeministrave Kompania Bullgare e Gazit “Bullgartransgaz” dhe partnerja e saj rumune “Transgaz” kontraktuan ndërtimin e gazsjellësit rezervë nga lidhja midis sistemeve të Bullgarisë dhe Rumanisë. Brenda tre muajve lidhja do të jetë gati dhe do të lejojë tregtinë me gazin natyror në rajon. Zotërinjtë Borisov dhe Çollosh e konsideruan këtë si një premisë për zgjerimin dhe modernizimin e rrjetit të gazsjellësve dhe si një sinjal për zhvillimin e nxjerrjes vendore të gazit natyror. Kryeministri rumun sugjeroi se gjatë bisedimeve të ardhshme midis qeverive të të dy vendeve do të diskutohet krijimi i një rrjeti për transportimin e përbashkët të gazit në mbarë rajonin.

Gjatë verës ose në fillim të vjeshtës, në nivel kryeministrash dhe ministrash të jashtëm të dy shtetet do të shqyrtojnë, jo vetëm zhvillimin e marrëdhënieve dypalëshe por edhe interesat e përbashkëta në marrëdhëniet me Moldavinë dhe Serbinë. Kjo supozon nxjerrjen e marrëdhënieve dypalëshe në një plan të shumanshëm.

Interesat e përbashkëta Sofja dhe Bukureshti do të koordinojnë jo vetëm përsa iu përket shteteve fqinje por edhe në sigurimin e kufijve të jashtëm të BE-së dhe Shengenit, heqjen e regjimit të vizave të Kanadasë për shtetasit e të dy vendeve dhe sigurimin e krahut lindor të NATO-së. Zhvillimi i ri i lidhjeve midis Bullgarisë dhe Rumanisë jep shpresë për një pasurim dhe thellim të tyre. Në sfondin e së kaluarës kur të dy shtetet kishin rezerva ndaj njeri tjetrit, vitet e fundit Bullgaria dhe Rumania thelluan shumë marrëdhëniet ekonomike. Rumania u bë partnerja e tretë tregtare e Bullgarisë në BE-në. Në periudhën e viteve 2003 – 2010 shkëmbimi dypalësh tregtar u rrit 8 herë dhe gjatë vitit 2013 arriti 3.5 miliard euro. Bashkëpunimi nuk është vetëm në sferën energjetike por edhe në zhvillimin e infrastrukturës me ndërtimin e urave të reja midis dy vendeve dhe me një nyje të përbashkët hidroenergjetike mbi lumin Danub. Thellohet edhe partneriteti midis bashkive pranë Danubit në kuadrin e Strategjisë Danubiane dhe Programit të Bashkëpunimit Transkufitar Bullgari – Rumani. Kështu që forcimi i marrëdhënieve midis Bullgarisë dhe Rumanisë po avancohet me çdo muaj që po kalon.

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

GERB është forca e parë politike mes votuesve, 44% duan zgjedhje të parakohshme

Nëse zgjedhjet parlamentare do të mbaheshin më 1 gusht, GERB-SDS do të ishte forca e parë politike, sipas një sondazhi të “Market LINKS”. GERB - SDS merr 23% mbështetje. “Po e vazhdojmë ndryshimin – Bullgaria Demokratike” (PP-DB) është me 15.3%...

botuar më 24-08-01 10.47.PD

Ngjarjet me adresë ballkanike

Minoriteti turk në Trakinë Perëndimore është një prioritet për Ankaranë Problemet e pakicës turke në Trakinë Perëndimore janë prioritet për Turqinë në dialogun e saj me Greqinë. Ankaraja do të vazhdojë të kujdeset për "bashkatdhetarët e saj"..

botuar më 24-07-26 1.48.MD
Ivan Kondov dhe Manuell Saracin

Bullgaria ka një qëndrim të qartë dhe konsekuent ndaj Maqedonisë së Veriut

Bullgaria ka një qëndrim shumë të qartë dhe konsekuent për integrimin evropian të Maqedonisë së Veriut, bazuar në zbatimin e rreptë të konsensusit evropian nga korriku i vitit 2022. Këtë e deklaroi zëvendësministri i punëve të jashtme Ivan Kondov në..

botuar më 24-07-25 12.43.MD