Rumen Bojaxhievi është kompozitor dhe bashkëthemelues i grupit të rokut progresiv “Studio Ballkanton” (FSB), krijuar në vitin 1975. Është autor i më shumë se 350 këngëve dhe ka aranzhuar mbi 600 këngë, të cilat janë në repertorin e grupit FSB dhe të këngëtarëve të tjerë bullgarë. Ka krijuar muzikë për filma dokumentarë dhe artistikë, për shfaqje teatrale dhe këngë për fëmijë. Atij i përkasin sinjalet zyrtare të programit “Horizont” të Radios Kombëtare Bullgare dhe të buletinit qendror informativ “Në botë dhe tek ne” të Televizionit Kombëtar Bullgar. Është themelues i shtëpisë muzikore producentë “Kontrapunkte”. Është mbajtës i shumë çmimeve, pjesë prej të cilave janë: Mjeshtër botëror i muzikës – në World Masters Committee, “Lira e kristaltë” në kategorinë “Muzikë pop dhe rok”, “Shekulli i artë” për merita të jashtëzakonshme në zhvillimin dhe popullarizimin e kulturës dhe artit bullgar të Ministrisë së Kulturës, “Grammy” (bashkë me Hose Felesiano dhe FSB) etj.
“Pas kaq shumë viteve të punës në sferën e muzikës ky është albumi im i parë me vete. Deri tani në vend të parë ishte projekti FSB. Pas heshtjes sonë 20 vjeçare, prita që të realizojmë disa projekte që grupi të mund të zërë përsëri vendin që kishte dhe që ne dëshirojmë të ketë. Realizuam koncerte të mëdha, incizuam DVD, programin “FSB Simfoni”. Dhe pas kësaj vendosa se ka ardhur koha të bëjë albumin tim me muzikë, sipas dëshirës sime, me mesazhe të mia ndaj njerëzve. Titulli i albumi “E bardhë” mban energjinë kryesore të të gjitha këngëve të përfshira në të. Përveç temës për mbijetesën, ka dhe tema të tjera – si drita, dashuria dhe çastet e lumtura midis njerëzve. Daniella Kuzmanova posedon talentin e rrallë të gjejë fjalët më të përshtatshme të një mesazhi, të cilin unë pas kësaj ta vesh me muzikë. Ky është albumi im i parë me vete dhe unë dua shumë qe ai të jetë si një moto për gjithçka që kam bërë unë si muzikant.”
Se si Rumen Bojaxhievi e përkufizon stilin e vet?
“Nuk kam menduar për stilin tim, por mund të them, se nuk është rok progresiv. Nuk mendoj, se koha e tanishme është për muzike të tillë. Stili im u nënshtrohet ndjenjave të mia, ai quhet “Rumen Bojaxhiev”. Ideja fillestare, ndjesia se çfarë mund të ndash si energji – ky është talenti të cilin të gjithë e kemi dhe i cili duhet të përdoret në drejtimin e drejtë. Unë thjesht i nxjerr në pah ndjenjat e mia, i vesh me fjalë dhe i incizoi si temë muzikore. Nuk trembem nga adrenalina, as nga fakti se muzika mund të më detyrojë të qaj.”
Për hapat e fundit, për premierën e albumit “E bardhë” dhe për këngën e parë në të na tregon krijuesi:
“Projekt nuk është komercial. Albumi përfshin qëndrimin tim ndaj botës, ndaj tingullit, instrumenteve, interpretimit, teksteve dhe idesë sime si ai të arrijë në mënyrën më të bukur tek njerëzit, të cilët të kuptojnë mesazhet që përmbahen në të. Jam angazhuar me një producent amerikan dhe do të promovojmë diskun, kudo ku ka aktivitete ndërkombëtare të muzikës. Kënga e parë quhet “Nuk mund të besoj” dhe rrëfen për një dashuri e cila ka përfunduar pa tragjedi. Kënga është për ata që kanë vendosur të vazhdojnë. Premiera e albumit me siguri do të jetë në fund të tetorit.”
Përgatiti në shqip: Sofia Popova
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit me të njëjtin emër. Organizatori i veprimtarisë, e cila do të mbahet nga data 8 deri më 11 gusht,..
Producenti Atanas Zajkov – Atazar dhe dyshja Bisera dhe Lidija na prezantojnë folklorin e bukur bullgar të veshur me tingujt e kohës sonë moderne. Kënga "Unë po të shtrij" mbart frymën e stilit tipik deep house, por tingujt e violës depërtojnë..
E reja Zhaklin Tarakçi ka kënduar që e vogël dhe tashmë ka grumbulluar çmime të shumta, por popullaritetin e ka fituar më së shumti si fituese e "Zërit të Bullgarisë" 2022. Singli i saj debutues "Kakao" është krijuar nga ekipi i producentit Igor..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..