Mirosllav Kostadinov – Miro xhiroi dy video-spote të dy versioneve të këngës së tij të re “Thye deri në fund zemrën time”, të cilat u transmetuan para disa ditësh nga kanalet muzikore. Njëri spot është një film i shkurtër i krijuar mbi bazën e një historie të vërtetë për dashurinë dramatike midis një djali me origjinë rome dhe një bullgareje.
Miro është një prej interpretuesve më të dashur bullgarë të muzikës pop. Ai është 40 vjeçar, por tashmë ka një biografi shumë të pasur muzikore. Ka fituar shumë çmime prestigjioze kombëtare dhe ndërkombëtare. Gjatë vitit 2000 bashkë me Galina Kurdovën krijuan duetin “Karizma”. Vetëm për një vit dueti u bë një prej formacioneve më të njohura në Bullgari dhe të dy muzikantët fituan mbi 50 çmime. Shtatë vjet më vonë ata u ndanë, duke lërë vetëm një album të incizuar “Eklesiast” dhe një seri prej këngësh, që zënë pozitat e para në klasifikimet muzikore. “Rrezikoj të të kem”, “Sa shumë më mungon”, “A do të largohem nga ti”, “Kalon përmes meje” etj. Në vitin 2008 Miro startoi karrierë solo me albumin “I qetë”, i cili u bë një prej albumeve më të shitura në historinë muzikore bullgare. Hiti “E humbas kontrollin, kur” u shpall këngë e dashur gjatë 15 viteve të fundit. Gjatë vitit 2011 Miro u bë producent i këngëtares së re Divna. Tri vite me radhë këngëtari është mësues vokal në shoun televizive “Zëri i Bullgarisë”, kurse gjatë vitit 2013 konkursin e fitoi një pjesëmarrës nga skuadra e tij. Gjatë pranverës së vitit 2014 Miro ishte drejtues i programit “Me të vërtetë dashuri”. Në vitin 2015 doli albumi i tij “Mesiu”. Këtë verë ai na ka përgatitur një befasim tjetër, që tani për tani mbetet sekret.
Përgatiti në shqip: Vesella Mançeva
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën..