Krijimtaria e profesorit Petër Ljondev konsiderohet klasik në gjininë e këngëve korale fëmijësh dhe folklorike. Ato janë të njohura botërisht, sepse interpretohen si nga formacione bullgare, ashtu edhe të huaja. Është i njohur kontributi i tij i madh në fushën e folkloristikës muzikore si bashkëpunëtor shkencor në Institutin e Studimeve dhe Arteve pranë Akademisë Bullgare të Shkencave. Si rezultat i punës së tij aktive në terren në mbarë vendin më se 40 mijë janë këngët popullore dhe meloditë instrumentale të cilët ai regjistroi me tekste dhe me nota.
Për përgatitjen profesionale dhe për arsimin e tij vet profesori Petër Ljondev rrëfen:
“Mësova në qytetin e lindjes Harmanli. Kur isha 14 vjeçar i ati më çoi në shkollën muzikore në Sofje, ku dhamë provimet me motrën Magdalina, e cila është pianiste e mrekullueshme. Pata mësues të shkëlqyer të violinës. Kur vazhdova studimet në Akademinë Muzikore ëndrra ime e madhe ishte që të arrij suksese në art. Për fat të mirë, dy vjet pasi hyra në Konservator u formua klasa e parë e specializuar për muzikologë dhe për kompozitorë. Nga nja 48 – 50 kandidatë pranuan vetëm 5. Kjo ndodhi në vitin 1957. Kompozim mësova te pedagogët dhe krijuesit më të njohur: Veselin Stojanov, Parashkev Haxhiev, Marin Goleminov, Zdravko Manollov. Te Stojan Xhuxhevi – njeri prej muzikologëve më të mëdhenj bullgarë, mësova muzikë popullore. Puna ime e parë studentore ishte një studim, i cili u botua në një libër të Akademisë Muzikore. Përderisa isha në Akademi më ftuan të punoj në Institutin për Studimin e Muzikës, siç quhej atëherë. Punova atje pothuajse 32 vjet. Pas kësaj u orientua te kompozimi.”
Ëndrra rinore e profesorit Ljondev të kompozojë jo vetëm që u realizua, por u kurorëzua me sukses. Këngë të tij folklorike u përfshin në vargun e albumeve “Misteri i Zërave Bullgarë” të producentit zviceran Marsell Selie, që mori çmimin “Grami” në vitin 1990.
Për krijimtarinë e vet profesori Ljondev tregon:
“Në sajë të grupeve të ndryshme veprat e mia përhapen anë e mbanë botës. Për fat të keq nuk dimë shumë për dirigjentin dhe muzikolog bullgar Ljuben Botusharov. Ai për herë të parë drejtoi këngën time “Gjyshi beqar” dhe e incizoi në Radion Kombëtare Bullgare. Kënga është në shoqërim të daulles dhe luga prej druri – për efekte. Përsa i përket producentit Marsell Selie mund të them, se ai bëri shumë për muzikën bullgare. Në sajë të tij ajo u përhap në mbarë botën. Për mua ishte një kënaqësi e veçantë kur ai më ftoi të bëj vizitë te tij në Zvicër. Nuk do të harroj kurrë momentet e përjetuara me të. Pata mundësi të njihem edhe me bashkëshorten e tij, e cila vazhdoi veprën e tij pas vdekjes. Si dhe me të birin Aleksandër, i cili sot gjithashtu propagandon muzikën bullgare. Mund të them, se Marsell Selie i dha shumë Bullgarisë.”
Gjatë këtij viti profesori Petër Ljondev shënon jubileun 80 vjeçar. Ky është një shkak si për festim, ashtu edhe për bilance. Lihdur me këtë ai shpjegon:
“Gëzohem, se çdo ditë mësoj për shtete të reja, në të cilët interpretohen këngët e mia. Tani kam dëshirë vetëm të kompozoj, sepse këtë e bëj më mirë. Në fillim të këtij viti vendosa të krijoj këngë fëmijësh, një fushë, në të cilën kam punuar shumë. Brenda 4 – 5 muajve krijova nja 50 këngë sipas teksteve të një studente time të talentuar. Ajo në të vërtetë është një poeteshë e mrekullueshme.”
Përgatiti në shqip: Svetllana Dimitrova
Këngët dhe vallet popullore mbledhin dashamirët e folklorit bullgar në edicionin e radhës të Festivalit të Kostumeve Popullore në Zheravna. Këtë vit aktiviteti do të zhvillohet nga 23 deri më 25 gusht. "Pasi visheni me kostumet popullore dhe..
Holandezja Ester Willems vazhdon të tërheqë njerëz nga qytete dhe kombësi të ndryshme në klubin e saj për vallet popullore bullgare, i krijuar në Hagë dhe i quajtur "Zora". Klubi u themelua në vitin 2017 dhe në të u regjistruan edhe atëherë 13..
Mbrëmjet e kulturës bullgare në Shqipëri po vazhdojnë edhe në muajin gusht. Shfaqjet e para ishin në qershor, kur grupe folklorike nga Bullgaria prezantuan kostume, valle dhe këngë popullore bullgare para teatrit "Aleksandër Moisiu" në qytetin e..
Këngët dhe vallet popullore mbledhin dashamirët e folklorit bullgar në edicionin e radhës të Festivalit të Kostumeve Popullore në Zheravna. Këtë vit..