Pas një sezoni të gjatë, plot me shumë muzikë në qytetin bregdetar Burgas përfundoi edicioni i nëntë i festave kushtuara dirigjentit të madh bullgar Emill Çakërov. Finali është më 2 shtator me “Një natë në Venecie” – një nga veprat më të bukura të “mbretit të valsit” Johan Straus – bir. Mysafirët dhe qytetasit e Burgasit do ta kenë mundësinë të bëhen pjesë e ballos me maska të kompozitorit të madh të vjenës nga shekulli i XIX.
“Kjo është shfaqja, e cila vitin e kaluar u bë spektakli i vitit në Rumani. Jam shumë krenar me këtë çmim. Ftesa për shfaqjen sivjet erdhi nga drejtori i Teatrit Operistik të qytetit Burgas (Aleksandër Tekeliev). Kjo është një nga operetat më të mira të Straus-it. Në fakt ajo është komike, nuk është një vepër tipike. Muzika është e mrekullueshme dhe dramaturgjia gjithashtu është shumë interesante. Është një pjesë, me të cilën njerëzit zbaviten nga fillimi deri në fund. Dhe pikërisht kjo më provokoi. Në jetën e sotme të tensionuar një vepër e tillë është një mënyrë e përshtatshme për shkarkimin e stresit. Në të pranon problematika e përjetshme dhe gjithmonë është aktuale dhe e përshtatshme për jetën moderne.”
Për ekipin e suksesshme të shfaqjes “Një natë në Venecie” në krye me dirigjentin e Teatrit Operistik të Burgasit Ivan Kozhuharov, na tregon më shumë Mario Nikollovi:
“Dirigjenti Ivan Kozhuharov (i cili ka mbaruar Konservatorin e Sankt-Peterburgut “Nikollaj Rimski-Korsakov”) është një emër, i cili nuk ka nevojë për prezantim për publikun bullgar. Skenograf dhe piktor është Ani Tokaxhieva, koreografe Edelina Kallçeva. Jam shumë i lumtur për këtë se mund të punoj me këtë ekip, me të cilin kemi realizuar disa shfaqje. Prima e Teatrit Operistik të Burgasit Valentina Korçakova është në rolin kryesor të Aminës. Interpretuesit e mirë gjithmonë mund të bëjnë një pjesë shumë të suksesshme. Unë do të jem në rolin e Dukës Urbino. Jo për herë të parë prezantohem para publikut të qytetit Burgas si regjisor. . E ndjek këtë forum që nga fillimi i tij – tashmë nëntë vjet. Dhe mendoj se ai është një sukses i madh për Teatrin Operistik të qytetit dhe për administratën bashkiake, të cilët organizojnë festivalin.”
Përgatiti në shqip: Jordanka Ivanova
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Shtëpia e Kulturës "Sredec" në Sofje shënon 50 vjetorin e saj me një sërë ngjarjesh muzikore nën titullin "Ishulli i Muzikës". Në këtë mënyrë,..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon"...