Këngëtari i dashur nga të gjithë Orlin Pavllov, përpara disa ditëve kishte premierë të videos së tij të re të këngës “Me një krahë”. Projekti është një veprimtari e përbashkët midis tij dhe Borisllav Bojaxhievit, si dhe e akoma dy muzikantëve bullgarë me emër. Kënga moderne ka një seksion klasik të interpretuar nga Ansambli i Dhomës “Solistë të Sofjes” nën dirigjimin e Rumen Bojaxhiev-biri. Teksti është i Ljubo Kirovit dhe tregon një histori dashurie. Plot tensione dhe emocione, videoja duket si një film me metrazh të shkurtër. Kamera ndjek një çift të dashuruar në sfondin e Sofjes apokaliptike. Në ngjashmëri të shenjave, të cilat i lë dashuria, në universin paralel bashkëjetojnë shkatërrimi dhe bukuria, afërsia dhe brenga. Personazhet luhen nga Orlin Pavllov dhe Lina Roskin.

Paralelisht me karrierën e vet në muzikën pop Orlini paraqitet dhe në skenën e xhazit. Ka projekte të realizuara të suksesshme dhe afatgjata me Zhivko Petrovin, JP3 dhe Big Bendin “Bras Asociacion” dhe Angjell Zaberski-bir. Gjatë vitit 2015 në skenën e sallës “Bullgaria”, Pavllov realizoi një koncert vetjak bashkë me Big Bendin “Bras Asociacion” dhe Filarmoninë e Sofjes për nder të 100 vjetorit nga lindja e Frank Sinatrës, dhe këngë të tij prej autori, me një aranzhim të posaçëm për orkestër të dhomës.

Premiera zyrtare e projektit më të ri muzikor të artistit “Me një krahë” u zhvillua në Sofja Live Club dhe mblodhi ekipin, shokët dhe adhuruesit. Në fund të darkës Pavllov u dhuroi krahë prej argjendi të gjithë të pranishmëve.

Ja se çfarë na tregoi Orlini i cili gërsheton në mënyrë të shkëlqyer dy qeniet e veta, të një këngëtari dhe aktori: “Me Borisllav Bojaxhievin i cili është autor i muzikës dhe i aranzhimit po e përgatisnim këtë këngë prej kohe. Ideja është që përpara 2 vjetëve. Unë e mendova kanton, kurse ai formoi këngën. Mund ta përfundojmë në fund të muajit maj. Dhe që të mund të ketë një tingëllim më filmues u përfshi dhe Rumen Bojaxhiev-biri, i cili bërë orkestrimin për Ansamblin e Dhomës “Solistë të Sofjes”. Kënga në këtë variant të vet fitoi një tingëllim të ndryshëm dhe thellësi. Masterimi u bë në Amerikë, pikërisht për shkak të tingëllimit të cilin e kërkonim. I bëmë dhe video. Regjisor është Ljubomir Peçev. Të dy me të vendosim që videoja e këngës të mund të zgjidhet si film dhe jo në mënyrë statike të qëndrojë përpara kamerës. Filmimi u bë në qendrën kinematografike Bojana dhe në disa silose të braktisura rreth Sofjes. Bëmë dhe pak efekte virtuale dhe në fund të qershorit e përfunduam. E lëshuam tani vonë. Teksti i një kënge është shumë i rëndësishëm. Përse me një krahë? Sepse në jetë gjithmonë rastis kështu, që ndokush të na presë njërin krahë dhe të mbetemi vetëm me një. Nëse kjo është dashuri ose diçka tjetër, secili të bëj llogari vet për veten e vet dhe të verë në punë fantazinë e vet. Tani po xhirojmë filmin e tretë të Niki Ilievit dhe një serial por... do ta mbaj të fshehur tani për tani.”

Përgatiti në shqip: Nataniela Vasileva