Rezultatet përfundimtare të zgjedhjeve presidenciale më 6 nëntor akoma nuk janë të qarta, mirëpo parapraket tregojnë se të dielën e ardhshme balotazhi do të jetë shumë i vështirë dhe në një situatë të re të politikës së brendshme.
Supozimet për fitore për partinë qeverisëse GERB dhe kandidaten e saj Cecka Caçeva nuk u realizuan dhe ajo fitoi vetëm në 3 qarqe të shtetit, derisa rivali i saj Rumen Radev i përkrahur nga Partia Socialiste Bullgare është në vend të parë në 20 prej 28 qarqeve bullgare dhe për herë të parë që nga viti 1990 e këtej kandidati i socialistëve është në vend të parë në Sofje. Në kryeqytet partia qeverisëse GERB është forca e dytë, mirëpo kandidati i Bllokut të Reformatorëve Trajço Trajkov ndodhet vetëm një përqindje pas saj. Kjo tregon se të djathtët fillojnë të restaurojnë pozitat e veta të forta në Sofje.
Ka njerëz, të cilët mendojnë, se rezultatet e raundit të parë të zgjedhjeve presidenciale janë një indikator për ndryshim të konsiderueshëm në balancën e forcave politike në shtet. Në favor të kësaj teze është edhe rezultati i arritur nga kandidati i koalicionit të “Patriotëve të Bashkuar” Krasimir Karakaçanov. Ai zë vendin e tretë pas Radevit dhe Caçevës. Për ndryshim flet edhe rezultati i kandidatit të pavarur Veselin Mareshki, i cili u bë i pari në qytetin e tij Varna dhe i katërti në shtet. Çfarë do të bëhet, në se iniciatori i referendumit kombëtar për sistemin politik Sllavi Trifonov, do të vendosë të krijojë një parti dhe të marrë pjesë në zgjedhjet parlamentare? Tani për tani Trifonovi nuk jep sinjale se do të veprojë kështu, mirëpo është e dukshme se ekziston një mundësi e tillë – milionët që votuan në referendumin e provokuar prej tij i japin një arsye të mjaftueshme. Vetë Sllavi Trifonov me një ton plot nënkuptim pohon se do ta bëjë “atë që është e domosdoshme”.
Ndryshe nga zgjedhjet parlamentare, presidencialet janë mazhoritare, jo proporcionale. Dhe në këtë kuptim nuk mund të bëjmë lidhje të drejtpërdrejtë midis rezultateve në llojet e ndryshme të zgjedhjeve. Ndoshta kryeministri Bojko Borisov është i drejtë duke komentuar se pavarësisht nga pozita e dytë e kandidates së partisë qeverisëse GERB në raundin e parë, GERB-i vazhdon të jetë forca e parë politike. Është kështu sepse kandidati, i cili mori më shumë vota, nuk është propozuar nga Partia Socialiste Bullgare, por nga një komitet i iniciativës dhe socialistët vetëm e përkrahin Rumen Radevin. Fakti se për Radevin kanë votuar jo vetëm socialistë, por edhe simpatizues të GERB-it pranohet bile nga vetë ai. Këtë e dinë edhe Partia Socialiste Bullgare, edhe shefja e saj Kornelija Ninova, e cila tani për tani nuk komenton pyetje për zgjedhje eventuale parlamentare dhe flet vetëm për shanset në balotazhin e zgjedhjeve presidenciale.
Në këtë etapë prognozimi i raundit të dytë të zgjedhjeve është shumë i vështirë. Askush nuk mund të thotë se si do të votojë për shembull elektorati i “Patriotëve të Pavarur”, pasi kandidati i tyre Krasimir Karakaçanov shpalli se nuk do të rekomandojë asnjërin prej dy rivalëve. Pavarësisht nga kjo mund të pritet se një pjesë e votave të patriotëve do të shkojë për kandidatin e GERB-it, sepse një pjesë e formacionit patriotik e përkrahin partinë qeverisëse në pushtetin ekzekutiv. Reformatorët pohojnë se në balotazh do të përkrahin kandidaten e GERB-it, por kjo nuk mund të thuhet për të gjithë reformatorët. Në favor të kandidatit të socialistëve ndoshta do të jenë votat e dhëna në raundin e parë për Pllamen Oresharskin. Ky kandidat ishte përkrahur nga Lëvizja për të Drejtat dhe Liritë, mirëpo edhe kjo llogari është me kusht. Sepse bile nuk është e qartë a do të kemi një aktivitet aq të lartë elektoral pas zhgënjimeve dhe radhëve para pikave të votimit në raundin e parë.
Paqartësitë serioze i bëjnë prognozat shumë të vështira. Aq të vështira se ndoshta është më mirë të mos bëjmë prognoza deri më 13 nëntor.
Përgatiti në shqip: Jordanka Ivanova
Bullgaria u përball me një tjetër problem në kërkimin e një rrugëdaljeje nga kriza politike që u bë konstante, pasi presidenti Rumen Radev refuzoi të miratojë një nga emrat e ministrave të propozuar nga kandidatja për kryeministre të përkohshme,..
Presidenti Rumen Radev nuk pranoi që Kalin Stojanov të mbetet ministër i punëve të brendshme dhe refuzoi të nënshkruajë një dekret për emërimin e qeverisë së përkohshme të kryesuar nga Gorica Grënçarova - Kozhareva. Kreu i shtetit i kërkoi..
Gjurmët e gishtave të të huajve që vijnë do të merren në Turqi Autoritetet turke planifikojnë të marrin gjurmë gishtash të të huajve që mbërrijnë në vend. Këtë e bëri të ditur ministri i brendshëm, Ali Jerlikaja për gazetën proqeveritare..