Sot ju njohim me një krenari teknologjike bullgare. Bëhet fjalë për një biçikletë unike, të krijuar nga Galin Bonev dhe Galin Atanasov. Shpikja e tyre mban emrin “Galex”. Ata jetojnë dhe punojnë në qytetin bregdetar Varna dhe krenohen me këtë se në ekspozitën e specializuar në Gjermani “Eurobike” gjatë këtij gushti, biçikleta e tyre mori njohje për këtë se është një nga më të bukurat në klasën e saj.
Më shumë për të na tregoi Galin Bonev, themeluesdhe menaxher i firmës së tyre:
"Ne tashmë 3 vjet merremi vetëm me prodhimin e biçikletave elektrike. Filluam me prodhimin e kornizave, pastaj vendosëm që të bëjmë diçka që nuk është bërë deri tani – biçikletën e parë në botë elektrike me kornizë druri dhe me bateri, të vendosur brenda kornizës. Motori i saj elektrik ndodhet pranë pedaleve. Kjo kërkon një konstruksion krejt të ri, në të cilin bateria është vendosur në kornizë midis timonit dhe pjesës së komandimit.”
Në botë ekzistojnë shumë biçikleta elektrike, të cilat kanë korniza druri, mirëpo motori i tyre ndodhet në pjesën e prapme të kornizës, kurse bateritë zakonisht ndodhen mbi shportat e bagazhit. D.m.th. ato përdorin korniza të zakonshme. Firma bullgare ka një koncept krejt të ndryshëm:
"Ne mbyllëm baterinë brenda kornizës dhe vendosëm motorin në pjesën e mesme. Përvoja jonë me biçikletat elektrike na ndihmoi shumë në këtë projekt sfidues. Gjëja tjetër që na ndihmoi ishte miqësia ime me një marangoz, i cili merret vetëm me prodhimin e mobileve me porosi dhe i cili ka përvojë 20 vjeçare. Dijet e tij për cilësitë dhe vetitë e llojeve të ndryshme të drurit ishin të pavlerësueshme për ne.”
Korniza e drunjtë e biçikletës në fjalë është bërë prej dy llojeve druri. Bërthama e saj është prej frashri dhe ajo mban tërë konstruksionin. Ky lloj druri përdoret gjerësisht në prodhimin e pajisjeve sportive për shkak të fortësisë dhe elasticitetit të vet. Mbi këtë bërthamë është vendosur një dru tjetër me ngjyrë të kuqe, i cili s’ka nevojë për llak suplementar dhe i jep biçikletës një pamje tepër luksoze.
"Çmimi i këtyre biçikletave unike nuk është i lartë. Natyrisht tregjet drejt të cilave jemi orientuar ndodhen në Evropën Perëndimore dhe në SHBA. Atje njerëzit paguajnë nga 3-4 mijë euro për një biçikletë standarde. Në biçikletën tonë gjithçka është prodhuar me dorë dhe çdo një klient blen produkt unik. Kjo është për shkak të ngjyrave të veçanta të copëve të ndryshme të drurit dhe dejve të tyre që janë tepër të larmishëm. Në fakt krijojmë një produkt “të gjallë”.
Krijuesit e “Galex”-it kanë bërë përpjekje që të ruajnë ndjenjën që njeriu ka me biçikletën standarde. Sistemi i saj i komandimit është ndihmës dhe kërkon që çiklisti të rrotullojë pedalet. Një karrikim i baterisë mjafton për kalimin e 50 kilometrave. Të gjitha rregullimet dhe drejtimi i biçikletës janë bërë kështu që të përdoren me lehtësi. Biçikleta ka GPS dhe lidhje të përhershme me internet. Kështu me anë të një smartfoni mund të kontrolloni vendndodhjen e biçikletës suaj.
A prodhohen në Bullgari të gjitha komponentët e saj?
“Përveç kornizës ne prodhojmë edhe bateritë. Kjo është diçka me të cilën krenohemi. Sepse prodhimi i tyre është një proces i gjatë dhe i vështirë. Në Bullgari ka mjaftë inxhinierë me kualifikim të domosdoshëm dhe bashkë me aparaturën e nevojshme ne mund të garantojmë se bateritë e prodhuara tek ne janë mjaftë cilësore. Dini për problemet që patën kohët e fundit prodhues të tjerë të baterive. Qelizat energjike janë prodhuar kështu që të përputhen plotësisht me dizajnin e biçikletës. Pjesët e tjera të saj prodhohen jashtëm Bullgarisë, mirëpo gjithashtu janë pa kompromis në cilësinë e tyre.”
Përgatiti në shqip: Jordanka Ivanova
Fotografi: galex.bike
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të Institutit Kombëtar të Statistikave me rastin e 1 tetorit – Ditës Ndërkombëtare të të Moshuarve. 1 731 039..
Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të përhershme pune ose aftësi të kufizuara . Prej tyre, 22 248 janë fëmijë, dhe 632 299 janë persona të..
Fillimi i shekullit të XXI-të doli të ishte një pikë kthese për Aksinija Ivanovën dhe Ivan Cankovin - fati i çoi në Argjentinën e largët dhe ekzotike, dhe..
Maturanti i Shkollës së Mesme Matematikore në Varna Svetosllav Arabov fitoi një medalje të artë në Olimpiadën Ndërkombëtare të Rinisë në Astronomi..
Bullgaria po shkon në zgjedhjet e gjashta të parakohshme parlamentare në më pak se 4 vjet dhe kjo pengon debatin konstruktiv dhe ratifikimin e një..