Akademia Kombëtare Muzikore “Profesor Panço Vlladigerov” shënon jubileun 95 vjeçar me dy koncerte solemne. I pari në sallën e madhe të shkollës dhe i dyti në Operën e qytetit Stara Zagora. Në program janë të përfshirë vepra të kompozitorëve Vasill Kazanxhiev, Ljubomir Pipkov, Aleksandër Rajçev, Gaetano Doniceti, Xhakomo Puçini, Franc Shubert dhe doemos Panço Vlladigerov. Orkestra Akademike Simfonike nën drejtimin e profesorit Pllamen Xhurov do të shoqërojë interpretimet e këngëtarëve të ndryshëm mbajtës të çmimeve prestigjioze.
“Programi është i larmishëm. Ai u zgjodh ashtu, që të prezantojë nivelin e studentëve të specialiteteve të ndryshme – instrumentistë, këngëtarë, ansamble. Vitet e fundit procesi i mësimdhënies karakterizohet me aplikimin e të gjitha noviteteve në sferat e mësuara dhe shtimin e orëve të shkencave humanitare. Disa prej specialiteteve janë të lidhura ngushtë me elektronikën, përderisa në mësimin klasik, respektojmë traditat e vjetra. Kemi në plan që të prezantojmë programe të ndryshme të realizuara nga studentët edhe jahte shtetit. Të shumta janë çmimet e fituara nga studentët në fushën e artit vokal dhe instrumental. Pavarësisht se Bullgaria është një vend i vogël, gjurma që ka lënë në trashëgiminë kulturore evropiane është e dukshme.”
Akademia Shtetërore Muzikore, siç quhej në fillim, u themelua me propozim të ministrit të arsimit popullor Stojan Omarçevski. U ligjësua me Dekret të mbretit Boris III firmosur më 21 korrik të vitit 1921. Në vitin 1928 u formua Orkestra Simfonike Akademike nën drejtimin e profesorit Sasha Popov. Ai ishte nismëtari i formimit të Orkestrës Simfonike Mbretërore, paraardhëses së Filarmonisë së Sofjes. Në vitin 1954 në Akademi kishte tri fakultete. Pak më vonë emri i saj u ndërrua në Konservator Shtetëror Bullgar. Në vitin 1955 u formua edhe një kor dhe prapë – një orkestër simfonike. Pranë Fakultetit Vokal u themelua Studioja e Operës dhe Teatri Muzikor Mësimor. Në vitin 2006 shkolla u emërua Akademia Kombëtare Muzikore “Profesor Panço Vlladigerov”, emër ky i cili e mban edhe më sot. Aktualisht në të ka 46 specialitete. Vazhdimisht organizohen klasa të mjeshtërve, mbahen leksione dhe koncerte nga muzikantë të dalluar.
Përgatiti në shqip: Svetllana Dimitrova
Kthimi tek rrënjët ka sjellë gjithmonë emocione, sidomos për artistët. Kështu ndodh edhe me Stefan Illçev – këngëtarin e ri të dashur jo vetëm nga vendlindja e tij, Burgasi, por edhe nga publiku bullgar dhe i huaj. Ai ka përgatitur një..
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit me të njëjtin emër. Organizatori i veprimtarisë, e cila do të mbahet nga data 8 deri më 11 gusht,..
Producenti Atanas Zajkov – Atazar dhe dyshja Bisera dhe Lidija na prezantojnë folklorin e bukur bullgar të veshur me tingujt e kohës sonë moderne. Kënga "Unë po të shtrij" mbart frymën e stilit tipik deep house, por tingujt e violës depërtojnë..
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit..
Kthimi tek rrënjët ka sjellë gjithmonë emocione, sidomos për artistët. Kështu ndodh edhe me Stefan Illçev – këngëtarin e ri të dashur jo vetëm nga..