Është Krishtlindja. Në këto çaste jemi së bashku me Mitropolitin e Kishës Ortodokse Bullgare për Evropën Perëndimore dhe për atë të Mesme Antonij.
“Gëzuar Krishtlindjet! Sot është një prej festave të mëdha të krishtera – Lindja e Shpëtimtarit tonë Jisu Krishti. Festa, e cila bashkon të gjitha të krishterët në botë. Kjo është festa e mishërimit të Birit të Zotit, i cili na jep shpresa për një të ardhme më të mirë, i bën shpirtrat tona më të ndritshme.”
Këtë ditë të madhe ne i bëjmë pyetje vetes nëse i kemi ruajtur vlerat tona të krishtera. Në botën tonë bashkëkohore vazhdimisht ndeshemi me agresion, me akte terroriste, me lakminë në trafikimin e njerëzve dhe të imigrantëve ilegalë. A është kjo paqja jonë?
“Veset dhe pasionet gjithmonë kanë qenë një përvojë e hidhur për të gjithë njerëzit e Planetit dhe sigurisht që kjo i përket edhe tërë popullit bullgar, i cili thellë në zemër i ruan traditat dhe fenë e vet të krishterë. Mirëpo, si njerëz, të gjithë ne i mbajmë me vete edhe të metat tona dhe duhet t’i përballojmë me dhurim, besë dhe shpresë, me dashuri ndaj Zotit. Nuk duhet ta humbasim shpresën, sepse kudo ka pengesa, duhet të mësohemi nga gabimet tona dhe të përpiqemi të jemi më të mirë.”
Le ta përqendrojmë vëmendjen tonë te festa e ndritshme. Sa janë tempujt, ku bullgarët mund të shkojnë në Evropën Qendrore dhe Perëndimore?
“Në Evropën Perëndimore dhe në atë Qendrore kemi 35 komuna kishtare, në 15 kryeqytete evropiane. Kështu qe Krishtlindjet i presim me një gëzim të madh. Në këta tempuj bashkatdhetarët tanë përshëndeten njëri tjetrin me lindjen e Shpëtimtarit, marrin pjesë në lutjet e liturgjisë së shenjtë. Në ditën e Krishtlindjeve mbaron periudha e Kreshmëve dhe fillon përgatitja e një feste tjetër të madhe – më 6 janar, kur shënojmë pagëzimin e Shpëtimtarit tonë Jisu Krishti në ujërat e lumit Jordan. Atëherë do ta hedhim kryqin në ujërat, që të jetë me ne Krishti gjatë tërë vitit.”
Çfarë është urimi juaj ndaj të gjithë të krishterëve dhe më konkretisht ndaj bullgarëve?
“Të gëzohen në zemrat e tyre, të mos e humbasin shpresën, të besojnë, të mbajnë mend historinë dhe traditat e tyre, t’i edukojnë fëmijët e tyre në dashuri ndaj atdheut.”
Përgatiti në shqip: Vesella Mançeva
Januarius A. McGahan lindi 180 vjet më parë më 12 qershor. Me këtë rast, Muzeu Historik Rajonal në Plovdiv po shfaq një ekspozitë për jetën e gazetarit të guximshëm amerikan. Reportazhet e tij të quajtura "Letra nga ferri" në gazetën londineze..
Kur njeriu e njeh historinë, mund të luftojë që gjërat e mira të përsëriten dhe të këqijat të mos përsëriten. Me këto fjalë, ministri në detyrë i kulturës, Najden Todorov, hapi ekspozitën "Zotërinjtë e kripës: Provadia - Kriporja (5600-4350 p.e.s.)"..
Bullgaria është anëtare e BE-së që nga 1 janari 2007. Megjithatë, vendi ynë kishte përfaqësuesit e tij në Parlamentin Evropian (PE) edhe para anëtarësimit zyrtar. Në vitin 2005, Kuvendi Popullor zgjodhi 18 deputetë bullgarë të cilët kishin statusin e..