Krishtlindja është një nga festat më të ndritshme dhe të nderuara. Çdo vend dhe çdo kulturë e shënon sipas traditave të trashëguara nga shekuj – nga këngët popullore deri te veprat e kompozitorëve më të mëdhenj dhe më të njohur. Edhe sivjet në Sallën “Bëllgarija” organizohen sipas traditës koncerte kushtuar Krishtlindjes.
Më 23 dhjetor Filarmonia e Sofjes bashkë me Korin Kombëtar Filarmonik “Svetosllav Obretenov” dhe Korin e Fëmijëve “Bodra Pesen” nga Shumeni do t’u sjellin gëzim admiruesve të muzikës. Koncerti i tyre i Krishtlindjeve është me titull “Engjëjt këndojnë dhe zemrat triumfojnë se lindi Krishti!”
Vitin e katërt me radhë Radioja Kombëtare Bullgare dhe Televizioni Kombëtar Bullgar do të dhurojnë spektatorët me shfaqjen “Me dashuri për Krishtlindjet!”. Ky koncert, i cili u bë traditë sivjet do të thyejë suazat e një koncerti tipik simfonik. Në program do të tingëllojnë edhe këngë të dashura të Krishtlindjes, vepra të kompozitorëve bullgarë, fragmente të operetave. Koncerti është më 25 dhjetor dhe do të transmetohet nga Televizioni Kombëtar Bullgar.
Producente dhe soliste e koncertit “Me dashuri për Krishtlindjet!” është sopranoja Edelina Këneva. Për shfaqjen e sivjetshme ajo tregon:
“Koncerti në fjalë sivjet realizohet nga Orkestra Simfonike e Radios Kombëtare Bullgare, Kori i Fëmijëve pranë Radios me dirigjente Venecija Karamanova, dhe solistët Orlin Goranov dhe Orlin Pavllov. Dirigjent do të jetë Najden Todorov. Megjithë zhvillimet përreth nesh shpresoj, se do t’u dhurojmë njerëzve çaste të paharrueshme. Koncerti do të kalojë nën moton “Dashuri në Krishtlindje”. Kjo më lejoj të përfshij edhe këngë i kushtuara dashurisë. Fanfarë solemnë do të shënojnë fillimin e festës. Shpresoj, se spektatorët do të vështrojnë një përrallë dashurie nën drejtimin e Najden Todorovit.”
Edhe në qytetin Varnë parashikohen koncerte me rastin e Krishtlindjes. Ata do të jenë më 23 dhe 24 dhjetor në skenën e Operës Shtetërore nën drejtimin e dirigjentit Martin Pantaleev. Solistë do të jenë Galina Velikova – soprano, Vjara Zhelezova – mexosoprano, Hristo Ganevski – tenor. Në program do të tingëllojnë vepra të familjes Shtraus. Më 28 dhjetor publiku i Varnës do të ketë fatin të dëgjojë violinistin virtuoz Mario Hosen. Koncerti “Fryma e Paganinit” do të pushojë publikun jo vetëm me muzikën, por edhe me mjetet e 3D mapping-ut të prezantuar nga Polina Gerasimova. Orkestra e Operës Shtetërore e Varnës do të jetë nën drejtimin e organistit të njohur nga Katedralja “Shën Stefani” në Vjenë, profesori Johanes Ebenbauer.
Përgatiti në shqip: Svetllana Dimitrova
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi,..
Në mes të verës së nxehtë, Ljubo Kirov nuk ndalet së krijuari. Menjëherë pas premierës së albumit të tij "Zemra e re" dhe shfaqjes së koncertit të tij..