Edhe gjatë vitit 2016 u realizuan shumë incizime të muzikës popullore nga këngëtarë dhe instrumentistë të brezave të ndryshme. Fillojmë me albumin “Mbresa” realizuar nga fyelltari Teodosij Spasov me Orkestrën e Muzikës Popullore të Radios Kombëtare Bullgare.
Në këtë pasqyrë të shkurtër të albumeve të reja të realizuara gjatë vitit 2016 do të kujtojmë edhe një nga këngët e incizuara nga Irena Stankova për fondin e Radios Kombëtare Bullgare. Ajo është nga qyteti Burgas dhe është mbajtëse e një sërë çmimesh prestigjioze të konkurseve folklorike tek ne. Krahas kësaj ka dhënë koncerte në një sërë vendesh të Evropës. Repertori i saj përfshin kryevepra nga Krahina Folklorike e malit Stranxha, të cilët këngëtarja vet kërkon.
“Krenaria e Bullgarisë” është albumi më i ri, në të cilin u mblodhën veprat e dirigjentit dhe kompozitor të muzikës për vegla me frymëmarrje Diko Iliev. Afro tri dekada e jetës së tij ishin lidhur me orkestrën e Regjimentit të 36-të të Këmbësorëve të Kozlodujit dhe me qytetin Orjahovo. Është autor i afro 20 marsheve, të cilët ekzekutohen edhe më sot. Dhuntia e tij të krijojë vepra mbi bazën e folklorit bullgar nuk e ka shokun. Veprat e tij që prej kohe janë të lidhura ngushtë me çdo festë. Kur nuk kishte repeticione me orkestrat, që udhëhiqte, Diko Ilievi udhëtonte në disa të qyteteve të Bullgarisë Veriore – Orjahovo, Vraça, Montana. Aty ai u jepte mësime fëmijëve dhe të rinjve. Ai i mësonte për të luajtur instrumente të ndryshme të frymëmarrjes, krijonte orkestra, kompozonte muzikë. Gjatë 15 viteve të fundit u zbuluan dhe u rimëkëmbën partiturat e shumë prej veprave të panjohura të këtij mjeshtri origjinal. Meritë për këtë kanë Hrizantema Rasheva – sekretare e Vatrës së Kulturës në qytetin Orjahovo dhe Kuzman Kuzmanov – dirigjent i Orkestrës së Frymëmarrjes “Diko Iliev”. Ekipe të Radios Kombëtare Bullgare vitet e fundit incizuan tri albume.
Gjatë vitit 2016 Teodosij Spasov paraqiti edhe një album tjetër, incizuar me kuintetin me emrin e tij. Ai e realizoi këtë gjatë turneut në Bullgarinë Jugore. Emri i tij është “O,Majno horo” dhe përbën pjesa nga programi i koncerteve të grupit.
Përgatiti në shqip: Svetllana Dimitrova
Një kompozim skulpturor në fshatin е malit Rodopa - Shiroka Llëka lavdëron gajdexhinjtë dhe këngëtarët vendas, të famshëm në mbarë vendin dhe më gjerë. Quhet “Gajdexhiu”, dhe së fundmi në fshat u prezantua një roman me të njëjtin titull. Fshati..
Fshati nënballkanik Turija mirëpret mbi një mijë pjesëmarrës në lojërat e maskaradës "Pleqtë në Turija". Në edicionin e sivjetshëm të festivalit më 30 mars do të marrin pjesë 28 grupe me kukeri (njerëz të maskuar) nga e gjithë Bullgaria. Çdo vit..
"Në një rajon të gjerë në Bullgarinë Veriore, kalorësi Shën Theodhor perceptohet si një personazh djallëzor. Përkufizimet popullore për të janë si më poshtë: një shenjtor vampir, përbindësh ose goblin... Ai vizitonte festat e beqarëve, të cilat ishin të..
Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet..
Pjesërisht me re
Mot i kthjellët