Shtypi sot i kushton një vëmendje të konsiderueshme polemikës së krijuar rreth programit të qeverisë së mëparshme për rinovimin e banesave në Bullgari. Duke u mbështetur te një deklaratë e Ministrit teknik të Zhvillimit Regjional Spas Nikollov, gazeta “Trud” shkruan: “Paratë për rinovimin nuk mjaftojnë”. Buxheti prej 2 mlrd levash të programit do të mjaftonte vetëm për 2022 godina, të cilat janë në etapë të ndryshme të rinovimit, por ka akoma 2000 godina të tjera, për të cilat ka dokumente të parashtruara për financim dhe akoma 2000 të tjera, të cilat janë në proces formimi të shoqërisë së domosdoshme, që të parashtrohen dokumentet, për të cilat banesa nuk janë siguruar mjete. Në një titull kryesor gazeta “Sega” pohon: “Paratë për rinovimin janë harxhuar paraprakisht” dhe që gjatë janarit të 2016-ës Ministria Regjionale ka kërkuar që Banka Bullgare për Zhvillimin ta ndërpresë lidhjen e marrëveshjeve të reja të financimit. Mirëpo, kryetarët e bashkive nuk kanë pasur informacion për këtë. Duke besuar se ka para, ata kanë vazhduar të nënshkruajnë kontrata me kandidatë të rinj për rinovimin. Nga ana tjetër qeveria teknike ka konstatuar se çmimet për meremetimet janë tepër të larta. Programi ka startuar me çmime prej 290 levash për një metër katror, pastaj janë pakësuar në 140 leva, por megjithatë ato përsëri janë të larta, sepse programet e mëparshme me mjete evropiane kanë arritur rezultatin e njëjtë me rreth 100 leva. Në disa raste ka pasur veprimtari të palejuara, si mbjellje bimësh dhe pemësh rreth godinave të rinovuara, të cilat nuk kanë të bëjnë me idenë për “efikasitet energjetik”. Gazeta “24 çasa” publikon një replikë të ish-Ministres së Zhvillimit Regjional Liljana Pavllova, sipas së cilës informacioni i shpallur nga qeveria teknike nuk është i pavarur dhe objektiv në fushatën paraelektorale dhe konstatimi i vetëm i vërtetë është se interesi ndaj programit të rinovimit është shumë i madh. Sipas Pavllovës me këto kritika qeveria teknike në fakt u siguron oponentëve të GERB-it teza të përshtatshme për sulmimin e veprimtarive më të suksesshme të kabinetit “Borisov-2”, të cilat janë infrastruktura dhe rinovimi.
Rastet e kollës së mirë tani janë shumë të pakta, ndërsa skarlatina dhe lija e dhenve janë reduktuar në një minimum të arsyeshëm. Prof. Todor Kantarxhiev, ish-drejtor i Qendrës Kombëtare për Sëmundjet Infektive dhe Parazitare, theksoi..
Skandali me dhënien e pasaportave bullgare për para gjashtë vjet më parë mund të vërë në pikëpyetje kandidaturën e Ekaterina Zaharieva për komisionere evropiane, njoftoi korrespondenti i BNR në Bruksel, duke cituar edicionin "Politico". Ai citon..
Vranësirat nga perëndimi do të shtohen gjatë natës në të gjithë vendin. Në Bullgarinë Perëndimore do të fillojnë reshjet. Do të fryjë erë e lehtë deri mesatare nga lindja-juglindja. Të martën moti në vend do të jetë i vranët. Në shumë..
Kryetari i Dhomës së Përfaqësuesve të Japonisë, Fukushiro Nukaga, mbërriti për një vizitë zyrtare në Bullgari, njoftoi BNT. Me një ceremoni zyrtare..
Pas festës së Lindjes së Hyjlindëses, Kisha nderon prindërit e saj - shenjtorët Joakim dhe Anna. Për fshatin Smoliçano në rajonin e qytetit Kjustendill,..
Pasi KQZ-ja refuzoi regjistrimin e dy fraksioneve të DPS-së, DPS-ja me liderin Ahmed Dogan dhe kryetarin Xhevdet Çakërov dorëzoi dokumente për..