Instituti Kombëtar i Statistikave publikoi të dhëna demografike për Bullgarinë, të cilat sot janë tema kryesore dhe objekt analizash dhe përfundimesh në shtypin e sotëm. “Deri në vitin 2019 do të jemi nën 7 mln, në kuadrin e një viti popullsia pakësohet me 52 mijë”, ky është titulli në faqen e parë të gazetës “Standard”. E përditshmja saktëson se në qoftë se popullsia e Bullgarisë vazhdon të pakësohet me tempet e tanishme, pas dy vitesh ajo do të ulet nën 7 mln veta. Në artikull janë shënuar të dhënat e publikuara nga Instituti Kombëtar i Statistikave, sipas të cilave deri në datën 31 dhjetor të vitit 2016 popullsia e vendit tonë është 7 101 859 veta, ose 1.4 për qind e banorëve të Bashkimit Evropian. Në krahasim me vitin 2015 popullsia e Bullgarisë është pakësuar me 51 925 veta (0.7 për qind). Të dhënat jo vetëm e ripohojnë statistikën e shpallur nga CIA gjatë shkurtit, por janë edhe më pesimiste. Sipas CIA-s popullsia e Bullgarisë deri në vitin 2016 është 7 mln 144 653 veta, vë në dukje gazeta “Standard”. Ajo e komenton temën kështu: “Konstatimet pozitive për vitin e kaluar janë se po pakësohet vdekshmëria e fëmijëve dhe vdekshmëria në përgjithësi dhe rritet kohëzgjatja e jetës. Mirëpo, megjithë këtë përmirësim situata në vendin tonë nuk është e mirë në këtë drejtim në sfondin e vendeve të tjera në BE – vdekshmëria është më e lartë vetëm në Rumani, kurse kohëzgjatja e jetës është më e ulët vetëm në Letoni dhe Lituani. Për periudhën 2014 – 2016 kohëzgjatja mesatare e jetës është rritur pak deri në 74.7 vjet, por kjo vetëm e kompenson pakësimin e madh gjatë viteve të kaluara, shënon gazeta “Sega”. Në artikull lexojmë gjithashtu se një tendencë tjetër sekrete në Bullgari është plakja. Pothuaj 21 për qind e bullgarëve janë të moshës mbi 65 vjeç, kurse përqindja e tyre rritret çdo vit. Gazeta “Trud” u kushton dy faqe tendencave demografike. “Fëmijët linden në Sofje. Provcna është duke u zhdukur” është titulli kryesor. Po vëzhgohet rritje e popullsisë vetëm në kryeqytet. Në 27 qarqet e tjera të vendit fëmijët janë më pak sesa njerëzit e vdekur. Ka dhe akoma të dhëna statistikore në “Trud” – burrat në Bullgari janë 48.6 për qind e popullsisë, kurse gratë – 51.4 për qind. Domethënë 1000 burrave u bien 1059 gra. Numri i meshkujve mbizotëron në moshën deri në 53 vjeç. Me rritjen e moshës po rritet përqindja e grave. Popullsia në moshën aktive deri në fund të vitit 2016 është 4 304 000 veta, ose 60.6 për qind e popullsisë së vendit.
Një aurorë ndriçoi qiellin mbi Bullgarinë në orët e para të 11 tetorit, njoftoi Penço Markishki, një fizikan në Institutin e Astronomisë në Akademinë Bullgare të Shkencave. “Qielli mbi horizontin verior u ndriçua në një ngjyrë të kuqe, pak e vështirë..
Bullgarët, si trashëgimtarë të drejtpërdrejtë të veprës së vëllezërve të shenjtë Kirill dhe Metodij, të shpallur nga Papa Gjon Pali II si bashkëmbrojtës i Evropës, jemi të detyruar të ruajmë dhe të zhvillojmë trashëgiminë e tyre. E vlerësojmë lartë..
Në kryeqytetin tonë të Detit të Zi, Varna, më 11 dhe 12 tetor, zhvillohet festivali urban i verës Urban Wine Fest. Organizator i nismës është Shoqata Bullgare e Profesionistëve të Verës, e cila bashkon ekspertë në çdo sferë të biznesit të verës -..
Bullgaria ka paguar, por më pas ka shkatërruar ose dhuruar mbi 5.5 milionë vaksina kundër Covid. Në total, nga shfaqja e vaksinave për Covid-19 deri..
Akademia Bullgare e Shkencave do të festojë sot, 12 tetor, 155 vjetorin e themelimit të saj me një mbledhje solemne dhe një koncert në Operën dhe..
Pjesërisht me re
Vranësira të dendura