Programi i ditës

Radioja Kombëtare Bullgare © 2021 Të gjitha të drejtat janë të rezervuara

Në një muhabet të ëmbël me llokume dhe hallva të prodhuara në Bullgari

{ include file="./partials/authors.html" } БНР Новини
Foto: arkiv

Pavarësisht nga larmia e madhe prej prodhimeve të sheqerit në treg, llokumi dhe hallva bullgare zbukurojnë tavolinën tonë si në ditët e festave, ashtu edhe në ditët e zakonshme. Sot ju takojmë me Maria Georgievën. Ajo është menaxhere e firmës së qytetit Jamboll, e cila prodhon lloje të ndryshme të hallvës, tahinit, llokumeve dhe bonboneve me fruta.

Firmat, të cilat prodhojnë produkte me tahin në Bullgari mbase numërohen në majën e gishtave të njërës dorë. Ne jemi një prej tyre. Firma jonë familjare është e krijuar gjatë vitit 1999. Filluam me prodhimin e disa llojeve të hallvës – tregon Maria Georgieva. – Lënda bazë për tahin hallvën është tahini, dhe më saktë tahini i lulediellit. Më vonë përfshimi dhe mjaft produkte të tjera midis të cilave llokume, bonbone dhe hallvë prej susami. Në Bullgari susami si prodhim dhe rendiment është i përhapur shumë dobët. Kështu që ne nuk mund ta sigurojmë këtë lëndë këtu. Si parim blejmë susam nga jashtë, nga i cili prodhojmë tahinin e susamit. Në fakt kryesisht vjen nga India dhe Nigeria.

Gjatë viteve të fundit vihet re një tendencë drejt një të ushqyeri të shëndetshëm, përdorimit të ushqimeve organike dhe tahini është një pjesë nga ky lloj të ushqyeri. A përfshihet Bullgaria në këtë tendencë? Përgjigja e Maria Georgievës është inkurajuese:

Gjatë viteve të fundit dhe në Bullgari përdoret mjaft tahini. Gjykojmë për këtë nga shitjet tona. Po forcohet konsumi i këtij produkti dhe mes njerëzve të rinj. Këtu përfshihet dhe tahini integral prej susami. Mendoj se Bullgaria i përgjigjet këtyre tendencave botërore drejt një të ushqyeri më shëndetësor. Kurse sa i përket hallvës, baza është tahini i marrë nga luledielli. Si parimi hallva mbi bazën e tahinit mund të jetë prej luledielli, prej susami, prej qiqrave në varësi nga bërthama e cila përdoret për tahinin. Në tregun bullgar, në ndryshim nga tregu turk dhe grek, më shumë përdoret tahin – hallva prej luledielli. Në nuga hallvën përmbahet kryesisht sheqer dhe glukozë, kurse në atë prej luledielli dominon tahini prej luledielli.

Nga fëmijëria ime më kujtohet shija e tahin-hallvës prej luledielli. Firma juaj a e ruan këtë shije tradicionale bullgare?

Do të thosha se, shija është krejtësisht e ruajtur. Ne prodhojmë në bazë të një recete tradicionale, me fjalë të tjera kështu siç është prodhuar hallva në Bullgari përpara 40,50 dhe 100 vjetëve – pohon Maria Georgieva. Me këtë ndryshim, se është përmirësuar pamja tregtare e produktit. Ai është një nga më të lashtët. Përveç kësaj është dhe shumë e dobishme për fëmijët. Sepse përbërësja bazë është fara e bluar e lulediellit. Në ndryshim nga susami, në Bullgari prodhohet mjaft luledielli dhe prandaj punojmë me prodhues bullgar të lulediellit.

Llokumi është një nga prodhimet bazë tradicionale prej sheqeri në tavolinën tonë. Në bazë të cilës gjë dallohet llokumi bullgar nga ai, i cili prodhohet në vendet fqinje?

Mendoj se Turqia është prodhuesja numër një në prodhimin e llojeve të ndryshme të llokumit. Aty ai është një prodhim i specializuar. Por si cilësi të shijes llokumi ynë nuk mbetet mbrapa nga asnjë tjetër i prodhuar në vendet fqinje. Sa i përket konsumit të llojeve të ndryshme të llokumit, këtu duhet të flasim pak për traditat. Më i preferuar dhe i kërkuar është llokumi bojë rozë ose “me ngjyra” siç e quajmë. Aroma  të cilën e përdorim është esenca e trëndafilit bullgar.

Ku i propozoni produktet tuaja?

Për momentin përveç në Bullgari, kemi dhe eksport për në Rumani dhe Slloveni. Shpresojmë se me kalimin e viteve do t’i zgjerojmë shitjet tona.

Përgatiti në shqip: Nataniela Vasileva

Më shumë nga rubrika

Bullgarët jashtë vendit dërgojnë gjithnjë e më pak para në atdheun e tyre

Pandemia ka zvogëluar 7 herë paratë që bullgarët jashtë vendit u dërgojnë të afërmve të tyre në Bullgari. Për 7 muajt e parë të vitit 2021, ata kanë transferuar vetëm 98 milionë euro, sipas Bankës Popullore Bullgare. Për krahasim, në vitin 2019..

botuar më 21-10-18 3.02.MD

Trofta ballkanike është një specie e rrezikuar për të cilën ekziston një fushatë edukative e mbarështimit

Një shtrirje lumi 10 kilometrash, degë e lumit Iskër, ishte e pajisur me 10 000 trofta të vogla, në edicionin e sivjetshëm të nismës “Jepi shans troftës ballkanike”. Trofta ballkanike është ndër speciet më të rrezikuara të peshkut, prandaj kjo..

botuar më 21-10-17 7.25.PD

Vërtetësi, besim, kujtesë dhe patriotizëm - fjalët kyçe të Takimit Botëror të Mediave Bullgare

Një kohë të pazakonshme dhe një vend të pazakonshëm kanë zgjedhur organizatorët për zhvillimin e takimit të 16 Botëror të Mediave Bullgare. Në vend gjatë periudhës së pranverës, sivjet ai zhvillohet nga data 16 deri më 19 tetor, në prag të festës..

botuar më 21-10-16 9.05.PD