Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Politikanët bullgarë u bashkuan kundër pohimit të Presidentit Putin për shkrimin sllav

БНР Новини
Foto: EPA/BGNES

Pikërisht më 24 maj – Ditën e kulturës bullgare dhe shkrimit sllav, bullgarët mësuan se në takimin mes presidentëve të Rusisë Vladimir Putin dhe të Maqedonisë George Ivanov në Moskë, kreu i shtetit Putin ka deklaruar se shkrimi sllav ka ardhur në Rusi nga trojet maqedonase. Befasia tek ne ishte aq e madhe, se një historian i njohur supozoi se ndoshta bëhej fjalë për një lajm të rrem, i cili qëllonte provokimin e një skandali ndërkombëtar. Ministrja e punëve të jashtme Ekaterina Zaharieva kujtoi se krijimi i alfabetit cirilik u realizua sipas vullnetit dhe me ndihmën e shtetit bullgar dhe vetë Patriku i Rusisë Kirill para pesë vjetësh pohoi se tradita e shkrimit sllav është sjellë në Rusi nga bullgarët.

Para Ambasadorit të Moskës në Sofje Kryeministri Bojko Borisov komentoi se deklarata të tilla, të bëra pikërisht në festën e madhe bullgare, provokojnë reagime tepër të ashpra dhe kjo është e kuptueshme. Bën përshtypje se këto reagime nuk janë vetëm të ashpra – ato janë politike dhe unanimi mes politikanëve bullgarë për këtë temë është i befasishëm. Sipas kryetares së Komisionit parlamentar për politikë të jashtme Xhema Grozdanova, fjalët e Vladimir Putinit për alfabetin cirilik janë pjesë e një politike konsekuente të Federatës Ruse ndaj shteteve të Ballkanit Perëndimor. Sipas saj qëllimi është largimi i tyre nga anëtarësia në strukturat evropiane. I njohur me parapëlqimet e tij, të lidhura me Rusinë, bashkëkryetari i koalicionit të Patriotëve të Bashkuar Volen Siderov komentoi në mënyrë sarkastike se duket se në Rusi ka një përparim të konsiderueshëm, sepse në të kaluarën aty kanë mësuar se Lenini ishte krijuesi i alfabetit sllav, kurse tani janë të mendimit se shkrimi vjen nga trojet maqedonase. I ashpër ishte dhe reagimi i lideres së Partisë Socialiste Bullgare Kornelia Ninova. E njohur si një nga oponentët më të zjarrtë të kryeministrit Borisov, ajo shpalli se nuk mund të pranojë një qëndrim të tillë nga ana e Moskës dhe tha se pozita e qeverisë bullgare është e matur dhe adekuate.

Jo i tillë ishte vlerësimi i Ministrisë së Punëve të Jashtme të Rusisë, zëdhënësja e së cilës Maria Zaharova komentoi para agjencisë TASS, se vala e kritikave në mediat bullgare është provokuar nga interpretimi i padrejtë i fjalëve të Vladimir Putinit. Duke thënë para presidentit të Maqedonisë, se shkrimi sllav ka ardhur në Rusi nga trojet maqedonase, ai e ka pasur parasysh nocionin gjeografik nga koha e Perandorisë Romake. Mirëpo ky interpretim nuk shpjegon pse atëherë Putini nuk e ka përdorur nocionin gjeografik për trojet ruse të asaj kohe – siç shpjegoi historiani i njohur Kazimir Popkonstantinov atëherë ata kanë qenë të njohur si Rusji i Kievit, d.m.th. – Ukraina.

Sipas zëdhënëses së Ministrisë së Punëve të Jashtme Maria Zaharova, reagimet në Bullgari janë “një skandal artificial”, i cili mund të sjellë tension në marrëdhëniet dypalëshe bullgaro-ruse. A do të bëhet kështu, do të kuptojmë në të ardhmen. Sipas Presidentit Rumen Radev popujt sllavë do të jenë të bashkuar, vetëm në se e respektojnë historinë, kurse përdorimi i saj në politikë jo gjithmonë sjellë rezultatin e dëshiruar.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Presidenti Radev: Maqedonia e Veriut duhet të tregojë se dëshiron të jetë pjesë e një Evrope të bashkuar

Nga Roma, presidenti bullgar Rumen Radev i dërgoi mesazh Presidentes së Republikës së Maqedonisë së Veriut, Gordana Siljanovska-Davkova, se Bullgaria pret ndryshim në retorikë dhe fund sa më të shpejtë të gjuhës së urrejtjes. RSM duhet të tregojë..

botuar më 24-05-23 6.28.MD
Rumen Radev

Presidenti Radev: Rruga e Maqedonisë së Veriut për në Bruksel kalon nga Sofja

“Shpresoj që politikanët në Maqedoninë e Veriut ta kenë kuptuar se fushata zgjedhore përfundoi dhe nëse deklaratat dhe sjellja e tyre destruktive kthehet në veprime reale, kjo do të thotë ta shtyjnë vendin e tyre drejt izolimit dhe largimit nga BE-ja,..

botuar më 24-05-17 4.50.MD

Njerëzit me pasaporta bullgare në Maqedoninë e Veriut votuan si për partinë në pushtet ashtu edhe për opozitën

Më 8 maj, në Maqedoninë e Veriut u mbajtën zgjedhjet e jashtëzakonshme parlamentare dhe raundi i dytë i zgjedhjeve presidenciale. Para votimit, një nga publicistët kryesorë shqiptarë në vend i quajti bullgarët "jetimët" në fushatën zgjedhore, sepse..

botuar më 24-05-12 9.55.PD