Në kryeqytet po vazhdon festivali muzikor ndërkombëtar “Javët Muzikore të Sofjes”, i cili sivjet ofron një program me të vërtetë interesant. Më 14 qershor do të mbahet koncerti “Premierat” i Ansamblit të Dhomës “Solistët e Sofjes”, për të cilin na tregoi dirigjenti i formacionit prestigjioz prof. Pllamen Xhurov:
Koncerti ynë do të mbarojë me “Vdekja dhe Vajza” – një kuartet i njohur i Franc Shubertit, por nën redaktimin e Gustav Malerit. Këtë variant Maler e bëri në fund të shekullit të XIX. Në atë kohë kompozitori ishte dirigjent i Filarmonisë së Berlinit, me të cilën ai e ka interpretuar veprën. Ne do ta paraqitim me përbërjen e zakonshme të “Solistëve të Sofjes”. Shpresojmë ta paraqesim këtë program diku tjetër. Posaçërisht “Kiaroskuro” nga Gia Kançeli, që me të vërtetë është një vepër e jashtëzakonshme – ajo është shumë e qetë, me shumë psikologjizëm. Në fund të qershorit Ansambli i Dhomës “Solistët e Sofjes” do të marrë pjesë në festivalin “Vera e Varnës”. Në programin në fjalë është përfshirë edhe vepra e Çajkovskit “Stinët e Vitit”, solisti është Georgi Çerkin, piano. Pas kësaj do të ketë dy koncerte në Festivalin Ndërkombëtar “Ditët e klasikes” – Ballçik. Kurse në Festivalin e Arteve “Apolonia” formacioni do të paraqesë një program, i cili do të ekzekutojë muzikë vetëm jashtë shtetit. Vepra më interesante atje (sipas prof. Xhurovit) është Koncerti për Kitarë dhe Fizarmonikë. Solistët janë Krasimir Shterev – fizarmonikë (i cili që prej vitesh jeton dhe punon në Vjenë) dhe Georgi Vasilev – kitarë (i cili banon dhe punon në Zvicër). Në fund të shtatorit “Solistët e Sofjes” do të paraqitin veprat e dekoruara në edicionin e tetë të konkursit ndërkombëtar të kompozimit “Sofja – 2017”, organizuar nga bashkia e kryeqytetit “Krasno Sëllo”. Pas kësaj do të ketë koncerte në stinën e re të muzikore, e para prej të cilave është bashkë me “Kuarto Kuartet”.
Përgatiti në shqip: Vesella Mançeva
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të..