Ministrja e turizmit Nikolina Angellkova dhe ambasadori i Rusisë në Bullgari Anatolij Makarov vizituan dy kampe pushimore fëmijësh në bregdetin verior, ku kalojnë pushimet kryesisht të rinj nga Rusia. Ministrja rikujtoi, se bregdeti bullgar ofron kushte shumë të mira për pushimin e grupeve të fëmijëve rusë. Përafërsisht 3-4 mijë fëmijë, kryesisht nga Rusia dhe Ukraina, gjatë verës pushojnë në kampin “Albatros”. Këtë e njoftuan nga Ministria e Turizmit. Ambasadori Makarov përgëzoi Bullgarinë për kushtet e mira dhe organizimin e mirë të kampeve pushimore të fëmijëve. Ai theksoi, se gjithnjë e më shumë turistë rusë preferojnë Bullgarinë si një vend për pushim dhe udhëtim. Po rritet edhe numri i fëmijëve dhe të rinjve, të cilët vijnë për pushime të organizuara në vendin tonë, shtoi diplomati. Në rrethim u përfshi edhe kryekonsulli i Federatës Ruse në qytetin Varnë Sergej Lukjançuk.