Grupi folklorik “Bilbili” është themeluar në vitin 1994 nga Sejmen Gjokoli dhe veprimtaria e tij zhvillohet pranë juridiksionit të Qendrës Kulturore “Aulona” në Vlorë.
Ansambli ka në repertorin e tij kënga, valle dhe muzikë tradicionale kryesisht nga Shqipëria Jugore dhe nga rajonet e tjera të vendit. Karakterizohet me folklor autentik dhe kostume të pasura dhe me kolorit të gjallë.
“Bilbili” zhvillon një veprimtari mjaft të gjerë duke marrë pjesë në konkurse dhe koncerte brenda dhe jashtë Shqipërisë. Ka marrë pjesë në Festivalin e Parë Botëror të Folklorit në Holandë dhe në shumë festivale të tjera në Moldavi, Itali, Maqedoni, Kosovë, Letoni, Turqi, Poloni etj. Është anëtar i Këshillit Ndërkombëtar të Organizatorëve të Festivaleve për Folklor dhe Arte Tradicionale (CIOFF) pranë UNESKO-së.
Drejtori i Qendrës Kulturore “Aulona”, i grupit folklorik “Bilbili” dhe i “Aulona Inter Folk Festivalit” Sejmen Gjokoli është specialist i trashëgimisë kulturore shpirtërore, njohës i mirë i këngës polifonike dhe kërcimeve tradicionale shqiptare.
Po të doni ta dëgjoni intervistën me të, klikoni “audion”.
Në ditën e tetë para Pashkëve, ne festojmë Ditën e Shën Llazarit. Është e para nga tre festat kryesore të krishtera që lidhen me mrekullinë e Ringjalljes, e ndjekur nga e Diela e Palmave dhe Pashkët. Festa festohet çdo vit në data të ndryshme, por..
Dita e Arafatit është dita e fundit nga ditët e shenjta për myslimanët në muajin e Ramazanit. Në Islam, kjo është dita më fisnike e vitit, dhe lidhet me privimet e rënda 30-ditore - "agjërimin". Ngrënja e bukës dhe pirja e lëngjeve dhe e ujit bëhet vetëm..
Një kompozim skulpturor në fshatin е malit Rodopa - Shiroka Llëka lavdëron gajdexhinjtë dhe këngëtarët vendas, të famshëm në mbarë vendin dhe më gjerë. Quhet “Gajdexhiu”, dhe së fundmi në fshat u prezantua një roman me të njëjtin titull. Fshati..