Prerja e pyjeve është një problem serioz, i cili shqetëson si shoqërinë, ashtu dhe ekologët, pylltarët dhe institucionet shtetërore. Sipas të dhënave të organizatave ekologjike, afro një për qind e pyjeve asgjësohen, kurse të ardhurat e përpunimit të drurit janë rreth 100 mln leva në vit. Prerja e paligjshme nganjëherë është rezultat i indiferencës së institucioneve shtetërore. Shpeshherë përfaqësuesit e tyre mbyllin sy para krimit për shkaqe politike, ose për shkak të interesave personale. Që të ndërpriten këto krime kundër natyrës ka nevojë për publicitet dhe aktivitet nga ana e qytetarëve, janë të bindur ekologët. Instrumenti për këtë është platforma elektronike GIS, e krijuar nga anëtarët e WWF-Bullgaria. Më shumë hollësi për këtë na solli Aleksandër Dunçev – ekspert pranë organizatës:
“Nuk mund ta zgjidhim problemin e prerjes së paligjshme vetëm nëpërmjet dërgimit të sinjaleve tek organet kontrolluese. Prandaj që para 2 – 3 vitesh krijuam platformën GIS, e cila jep mundësi që çdo një qytetar të orientohet dhe të sinjalizojë për prerjen e paligjshme në pyll, ose në qoftë se ka diçka të dyshimtë.”
Platforma përdoret nga 200-300 veta në ditë dhe na jep informacion të ndryshëm për pyllin, përfshi këtu nëse ka lejë për prerjen e tij apo jo. Përveç në Bullgari harta të tilla interaktive përpunohen në Rumani dhe Ukrainë, ku problemi i prerjes së pyjeve është i madh. Çdo muaj ekologët te ne marrin nja 4-5 sinjale për prerjen e paligjshme, por arrijnë t’i reagojnë vetëm një sinjali të tillë, sepse janë shumë pak. Ata shpresojnë që mediat t’i pasqyrojnë më shumë problemet e pyjeve. Kështu njerëzit do të kuptojnë se disa prej problemeve zgjidjen, edhe pse vështirë.
“Gjatë këtyre viteve ne kemi kërkuar edhe vendime të përbashkëta me Agjencinë e Pyjeve për përmirësimin e legjislacionit pyjor, kështu qe të pakësohen sa më shumë abuzimet. Vendime të tilla ishin instalimi i GPS në kamionë dhe sigurimi i monitorimit me anë të kamerës në uzina, përdorimi i pllakave të posaçme me barkod në kamionë, përdorimi i biletave elektronike dhe i tabelave informative në zonat e prerjes së druve” – shtoi gjithashtu Dunçev.
Nga ana e vet drejtori i drejtorisë “Ruajtja e pyjeve” pranë Agjencisë Ekzekutive të Pyjeve Dimitër Batallov ngul këmbë për ndryshime në Kodin Ekzekutiv dhe në Ligjin për Shkeljet Administrative dhe Ndëshkimet, të cilat i përkasin kontrollit të shkelësve, që i presin pyjet. Sipas fjalëve të tij aktet vitin e kaluar kanë qenë 16 800, por janë paguar vetëm 15 për qind e gjobave. Sipas ligjit për shkeljet administrative dhe ndëshkimet, në qoftë se shkelësi është i papunë, ose në gjendje të rëndë sociale, mund të përpilohet akt kundër tij, por nuk mund ta marrin gjobën, sepse pronësia e shkelësit është e pamjaftueshme. Prandaj ata propozojnë një ndëshkim tjetër, sipas të cilit shkelësi duhet të punojë për një periudhë të caktuar në dobi të shoqërisë. Sipas statistikës së Agjencisë Ekzekutive të Pyjeve, shkelësit e rregullt te ne janë mbi 1000 veta.
Ekspertët e përqendrojnë vëmendjen e tyre tek një problem tjetër serioz – zjarret pyjore dhe mundësitë e shmangies së tyre. Shkaku kryesor zakonisht është gabimi i njeriut. Pyjet e dëmtuara nga zjarret shpeshherë nuk arrijnë të rimëkëmben dhe prandaj ka nevojë që sipërfaqet e tyre të mbillen përsëri. Në qoftë se pyjet nuk janë djegur krejtësisht, atëherë shpresohet tek rimëkëmbja e tyre e natyrshme. Sipas ekologëve, ky është varianti më i mirë. Sipas të dhënave të Ministrisë së Bujqësisë 49 437 dynymë pyje janë prekur nga zjarret vitin e kaluar. Çmimi mesatar për rimëkëmbjen e një dynymi të pyllit është nga 800 deri në 1000 leva.
Asgjësimi i pyjeve e forcon efektin serrë, misionet e dëmshme nuk përpunohen nëpërmjet fotosintezës dhe niveli i oksigjenit në atmosferë pakësohet në mënyrë drastike, ndërsa pa oksigjen jeta jonë është e pamundshme. Është rëndësishëm ta kuptojmë këtë para se të bëhet tepër vonë.
Përgatiti në shqip: Vesella Mançeva
Festimi i Ditës së Evropës më 9 maj filloi në vitin 1986. Vendimi për ta shpallur atë u mor në Takimin e nivelit të lartë të Komunitetit Evropian në Milano më 28-29 qershor 1985. Për t'u dhënë fund konflikteve të shumta në Evropë që kulmuan në..
120 shkencëtarë nga Bullgaria dhe 10 vende të botës marrin pjesë në një festival që mbahet nga 9 deri më 12 maj në Tech Park të Sofjes. Organizatorët njoftojnë se ndër të ftuarit e njohur ndërkombëtarisht, të cilët do të ndajnë njohuritë e tyre në një..
Në konkurrencën e mbi 35 ekipeve nga e gjithë bota, ekipi i Universitetit të Sofjes “Shën Kliment Ohridski” fitoi vendin e parë në konkursin më të madh në të drejtën private ndërkombëtare – “Pax Moot Court”, i mbajtur në periudhën 24-26 prill 2024 në..