Që sot në fshatin nga krahina e Rodopas Momçillovci fillojnë kurse intensive në gjuhën kineze. Qëllimi i banuesve vendas është të mund të komunikojnë më lehtë me turistë nga Kina, të cilët për vitin e fundit janë afro 1000 veta. Arsimimi do të zgjasë 45 ditë. “Përveç një arsim gjuhësor, do të ketë dhe leksione për kulturën kineze, ceremoni të çajit, mjekësi kineze, arte luftarake dhe gjëra të tjera interesante, kështu që në fund të kursit që të gjithë të dalim të pasuruar jo sa i përket gjuhës, por dhe si një kulturë të përgjithshme”, tha për Radion Kombëtare Bullgare kryetari i bashkisë i Momçillovcit Sijka Surkova. Në kurs do të marrin pjesë 45 banues vendas, mes tyre ka dhe fëmijë. Arsimi financohet nga një kompani kineze, e cila prej disa vjetëve prodhon kos me emrin e fshatit.