Gjendje e jashtëzakonshme në ishullin Samotraki

Stuhi të fuqishme dhe shira të rrëmbyeshëm shkaktuan përmbytje dhe rrëshqitje të dheut në ishullin grek Samotraki. Atje u mblodhën ekipe të zjarrfikësve dhe nga rajone të tjera të Greqisë. Ushtria gjithashtu ndihmon vendasit në këtë situatë emergjence. Katet e para të shtëpive, hoteleve dhe dyqaneve është nën ujë. Njerëzit përdorin thasë me rërë, mirëpo edhe ato nuk ndihmojnë për shpëtimin e pronës së tyre nga uji. Krejtësisht e rrëzuar është qendra mjekësore në ishull. Turistët tashmë ikën nga Samotraki, kurse u shtua numri i trageteve që qarkullojnë për të ndihmuar vendasit, informoi korrespondentja e Radios Kombëtare bullgare në Greqi Katja Peeva.

Turqia ndalon tragetet, që e lidhin atë me ishujt grekë në Detin Egje

Vendimi për ndalimin e trageteve që lidhin Turqinë me ishujt grekë është marrë nga qeveria turke dhe pritet se do të hyjë në fuqi brenda disa ditësh. Kështu do të ndërpritet fluksi i turistëve turk në ishujt e prekur nga kriza e refugjatëve. Sivjet gjatë muajve të verës vetëm “turqit shpëtuan sezonin”, komentojnë grekët që punojnë në fushën e turizmit atje. Këto tragete përdoren edhe nga shumë turistë evropianë, të cilët pushojnë në Turqi dhe për shkak të distancës së vogël vizitojnë për një ditë Greqinë. Arsyeja për këtë vendim të qeverisë turke sipas mediave janë gjobat e vendosura nga ana e Greqisë ndaj anijeve turke për mosrespektimin e kërkesave për sigurinë e udhëtuesve.

“Agrokor” – punëdhënësi më i madh në Kroaci është duke falimentuar

“Agrokor” – kompania më e madhe kroate për shitjen e produkteve ushqimore dhe punëdhënësi më i madh në shtet, i cili siguron bukën e gojës të 60 mijë nëpunësve është në rrezik nga falimentimi. Kryeministri kroat Andrej Plenkoviç tha se mundësia e vetme për zgjidhjen e krizës është në kërkimin e kornizës së drejtë institucionale  dhe ligjore, e cila do ta pengojë falimentimin. Të ardhurat e grupit tregtar me seli në Zagreb janë 6,7 mlrd. euro dhe përbëjnë 15% prej Produktit të Brendshëm Bruto. Mirëpo të dhënat për muajin shtator tregojnë se borxhi i gjigantit është për 6 mlrd. euro. Për shkak të krizës së borxhit të “Agrokor”-it gjatë marsit të këtij viti Kuvendi pranoi një ligj për mbrojtjen e ekonomisë kombëtare në rast të falimentimit të firmave kyçe. Ky ligj i lejon qeverisë të emërojë një person përgjegjës, i cili do të udhëheqë procesin e restaurimit. Gjashtë bankat kredidhënëse të kompanisë po punojnë fortë për sigurimin e financimit suplementar për “Agrokor”. Kreditorët kryesorë janë bankat shtetërore ruse Sberbank dhe VTB. 

Sllovenët përkrahën projektin për një linje hekurudhore për miliard euro

Projekti më i madh i investimit i qeverisë sllovene mori përkrahje në referendum. Ai është për ndërtimin e linjës hekurudhore deri në portin slloven Koper në bregun adriatik. 53% prej pjesëmarrësve në referendum e përkrahin këtë projekt, derisa kundër tij janë 46,5%. Pjesëmarrja e votuesve në referendum është 20,5%. Sipas qeverisë lidhja hekurudhore me gjatësi 27 kilometra mes Koperit dhe qytetit Divaça do të lehtësojë trafikun e mallrave ndaj portit të vetëm slloven dhe do të rrisë konkurrueshmërinë e tij. Qeveria mori 44.3 miliona euro nga BE për këtë projekt, kurse Hungaria është gati të investojë akoma 200 miliona euro, sepse gjithashtu e përdor portin e Koperit.

Përpiloi: Miglena Ivanova
Përgatiti në shqip: Jordanka Ivanova