Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kulla e ujit në lagjen e kryeqytetit Llozenec u shndërrua në galeri të arteve figurative +359

Hapësira e re për ekspozita hapi dyert me “Ne jemi pjesë prej një koleksioni” dhe “Gjenerali vjollcë”

БНР Новини

Kulla e ujit në lagjen e kryeqytetit Llozenec zyrtarisht strehoi galerinë më të re të artit modern në Sofje. Kulla, e cila u ndërtua në vitin 1929 është një nga godinat emblematike të kryeqytetit. Pas debateve shumëvjeçare për të ardhmen e saj, dyert e galerisë së re “+359” u hapën zyrtarisht me një ekspozitë të artit modern, organizuar nga Ambasada e Austrisë në Bullgari.

Снимка

Ekspozita “Ne jemi pjesë prej një koleksioni” është me vepra të piktores Borjana Vencisllavova, e cila krijon në Austri. Projekti hedh dritë mbi kulturën rinore ëndërgraund në Bullgari nga fundi i socializmit dhe fillimi i ndryshimeve demokratike. Kuratorja e ekspozitës është Vera Mlleçevska, ndërsa bashkorganizator – Fondacioni Doma Art.

Снимка

“Ne jemi pjesë prej një koleksioni” është një tregim poetik dhe i fragmentuar për vitet e kalimit te pjekuria. “Kontradiktat dhe kontrastet e periudhës kishin estetikën e tyre hibride”, thekson Vera Mlleçevska. Përderisa e ngjit shkallaren e kullës, vizituesi shikon instalacione, fotografi, tekste të këngëve, copëza prej gazetave nga vitet 80-të dhe 90-të të shekullit të kaluar. Titulli i ekspozitës është i huazuar prej një teksti të këngës së grupit bullgar dark uejv “Nova Generacia” ose “Gjenerata e Re”, në krijimtarinë e të cilit tiparet karakteristike janë sinqeriteti dhe liria.

Снимка

Vëmendja drejt ekspozitës “Ne jemi një pjesë prej koleksioni” dhe galerisë së re në kullë u tërhoq me një koncert të grupit “Gjenerali vjollcë”, i cili gjithashtu është pjesë e “Valës së Re” në muzikën bullgare. Ky grup doli para publikut pas një mungese 23 vjeçare. Hapësira e përmbushur me njerëz përreth kullës tregoi, se grupi i formuar nga muzikantët Emill Vëllev dhe Evgeni Gençev – Xhuli, akoma nuk është e harruar nga admiruesit e muzikës avangarde. “Gjenerali vjollcë” do të përfshihet edhe në festivalin mujor Electric Orpheus që organizohet në qytetin Pllovdiv.

Снимка

Ekspozita “Ne jemi pjesë prej një koleksioni” mund të shihet deri më 22 tetor, por megjithëkëtë kulla e vjetër e Sofjes me galerinë e porsahapur “+359” do të mbetet një nga vendet tërheqëse në kryeqytetin bullgar.

Përgatiti në shqip: Svetllana Dimitrova

Fotografi: Aleksandër Markov dhe “+359”



Последвайте ни и в Google News Showcase, за да научите най-важното от деня!

Më shumë nga rubrika

Georgi Grozev

Georgi Grozev studion trumbetë në Gent dhe e bën të njohur Bullgarinë në mbarë botën

“Muzika më gjeti vetë”, thotë Georgi Grozev dhe, duke qeshur, fillon të tregojë një ngjarje nga kopshti i fëmijëve, kur kishte shkuar vetë të regjistrohej për mësime në piano. Dhe kështu, në fakt, filloi rruga ime në muzikë. Krejt pa ndonjë..

botuar më 25-03-23 7.30.PD
Penka Kuneva

Në një koncert në Los Anxhelos do të interpretohen vepra nga Penka Kuneva dhe muzikantë klasikë bullgarë

Një koncert në Los Anxhelos me një program tërësisht bullgar, kushtuar festës kombëtare 3 mars , do të mbahet më 21 mars. Këtë e bëri të ditur në një intervistë për Radio Bullgarinë kompozitorja e njohur e filmit Penka Kuneva. Për “Gruan..

botuar më 25-03-21 7.00.PD
Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD