Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Salloni automobilistik në Sofje dha shkas për urime serioze

Foto: BGNES

Ditën e diel, më 22 tetor, në Sofje përfundon salloni më i madh automobilistik, i cili zhvillohet në kryeqytet që prej 25 vitesh. Rreth 40 marka botërore treguan gjatë 2017-ës mbi 300 vetura me dhjetëra risi teknologjike. Për herë të parë vizituesit patën mundësi të testojnë një pjesë prej eksponateve dhe interesi ndaj sallonit ishte shumë i madh. Mirëpo, gjatë ditëve të zhvillimit të tij ndodhën disa ngjarje, që i bënë bullgarët për të menduar seriozisht për gjendjen e tregut automobilistik në atdhe.

Në shikim të parë, për nga shitja e automobilave të rinj gjatë 8 muajve të vitit tregu automobilistik në Bullgari është ndër ato me prosperitet më të madh në Evropë, me rritje prej 18.1 për qind dhe me perspektiva shumë të mira deri në fund të vitit, në sfondin e uljes mesatare në BE prej 2 për qind. Mirëpo, të dhënat do të bënin një përshtypje më të madhe, në qoftë se rritja prej 18.1 për qind nuk barazohej me vetëm 2542 automobila dhe në qoftë se numri i përgjithshëm i automobilave të rinj të shitur nuk ishte vetëm 18 709. Numri i ulët i automobilave të rinj të blerë nuk i detyrohet mungesës së interesit, por i aftësisë së ulët blerëse, sepse çmimet e veturave në sallonin automobilistik lëviznin nga 24 500 deri në 46 500 leva (nga 12 469 deri në 23 665 euro).

Gjatë sallonit automobilistik në Sofje nga Rumania erdhi lajmi se atje aplikohet një program ekologjik për stimulimin e rinovimit të parkut automobilistik. Rumunëve, të cilët kanë dëshirë të zëvendësojnë veturën e tyre të vjetër mbi 8 vjet, me një të re autoritetet livrojnë 1400 euro. Ata që dëshirojnë të blejnë një automobil të ri elektrik mund të marrin rreth 10 000 euro, kurse ata, të cilët e kanë zgjedhur variantin hibrid – marrin suplementarisht 1000 euro.

Pasi në një shtet fqinj, ku realitetet ekonomike dhe sociale ngjajnë shumë me ato bullgare aplikohet një politikë e tillë, atëherë kjo mund të ndodhë edhe në Bullgari. Mirëpo, idetë në Bullgari në këtë drejtim janë tepër të ndryshme. Gjatë muajit prill me urdhëresë të qeverisë eko-taksat për automobilat e rinj u pakësuan me 5 për qind, për automobila elektrikë – me 30 për qind, kurse për automobila të vjetra u rritën. Gjatë muajit qershor Ministri i Mjedisit Neno Dimov propozoi që të merren masa, të cilat ta bëjnë importin e veturave të reja të leverdishëm dhe ato të jenë në dobi jo të blerësve, por të shitësve të tyre. Mirëpo, tani për tani nuk ka ndryshim në tregun e automobilave dhe përdorimi i automobilave të rinj është tepër i kufizuar. Faktet flasin për domosdoshmërinë për një politikë më efektive.

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Sukses bullgar në Turneun Ndërkombëtar të Fizikanëve të Rinj në Budapest

Ekipi bullgar u prezantua në një nivel jashtëzakonisht të lartë gjatë Turneut Ndërkombëtar të Fizikanëve të Rinj (IYPT) në Budapest, ku morën pjesë 38 vende nga e gjithë bota. Fizikanët bullgarë fituan medaljet e argjendta ekipore. Kjo është..

botuar më 24-07-27 9.15.PD

Pranojnë aplikime për rezidencë për përkthyes letrarë në bullgarisht

Data 9 tetor është afati i fundit për aplikime për rezidenca kërkimore për përkthyes letrarë nga bullgarishtja në kuadër të projektit Archipelagos, njoftoi fondacioni "Faqja tjetër". Rezidencat do të zhvillohen në Shtëpinë e Letërsisë dhe..

botuar më 24-07-26 6.31.MD

Sofja, Varna dhe Burgas transmetojnë drejtpërdrejt hapjen e Lojërave Olimpike në Paris

Hapen zyrtarisht Lojërat e Olimpiadës së 33-të Verore në Paris. Me këtë rast, kreu i shtetit Rumen Radev ndodhet në kryeqytetin francez për të marrë pjesë në hapje, me ftesë të presidentit francez Emanjuell Makron dhe presidentit të Komitetit Olimpik..

botuar më 24-07-26 7.45.PD