Qendra e Dizajnit dhe Arkitekturës “Artplej” në Moskë prezantoi ekspozitën “Zakone të lashta dhe tradita nga Bullgaria”. Ajo u përgatit nga Asociacioni i Fotografëve Profesionistë. Më shumë hollësi mësojmë nga kryetarja e asociacionit Lilija Jotova:
“Ekspozita prezanton traditat dhe zakonet bullgare. Në të u përfshin veprat e 14 fotografëve, anëtarë të Asociacionit. Realizimi i ekspozitës u bë i mundshëm në sajë të Institutit Kulturor Bullgar në Moskë dhe të partnerëve tanë nga Asociacioni Kombëtar i Profesionistëve në Industrinë Fotografike në Rusi. Me këtë asociacion kemi arritur një memorandum për bashkëpunim. Gjatë prillit ata rregulluan një ekspozitë të vet në Sofje. Krahas kësaj organizuan edhe klasa të mjeshtërve. Kështu lindi ideja, që edhe ne të paraqesim një ekspozitë në Moskë. Vendosëm, që tema të lidhet me traditat dhe zakonet bullgare. Në kuadrin e ekspozitës një përfaqësues i asociacionit tonë u tregon vizituesve hollësi për rritet e prezantuara në çdo fotografi.”
“Zakone të lashta dhe Tradita nga Bullgaria” përbën një kaleidoskop të origjinalitetit bullgar paraqitur në 30 fotografi. Ato janë nga pjesa të ndryshme të vendit. Cilat prej fotografive provokojnë interesin e publikut rus, mësojmë nga Lilija Jotova:
“Ka shumë fotografi nga festivalet dhe festat e burrave të maskuar, të quajtur bullgarisht kukeri. Ka fotografi nga Vallja e Akullt e Burrave në qytetin Kallofer, një traditë e lashtë Ditën e Pagëzimit të Shpëtimtarit Jisu Krisht, e cila çdo vit bie më 6 janar. Prezantojmë edhe rite dhe veshje nga rajoni i malit Rodopa. Një interes provokojnë fotografitë nga Festivali “Mistere Orfike” në vendbanimin Trigrad të Bullgarisë Jugore. Në të prezantohet zbritja e këngëtarit të famshëm të malit Rodopa Orfeu në mbretërinë nëntokësore. Sipas besimeve popullore shpella në rajon “Djavollskoto Gërllo” – Gryka e Shejtanit, është hyrja te mbretëria e Hadesit, ku Orfeu shkon për të kërkuar të dashurën Evridika. Tërë ditën në këtë festival vazhdojnë lojërat e burrave të maskuar, dëgjohen tingujt e gajdeve kaba, tipike për këtë rajon, dhe hidhen valle. Para perëndimit të diellit të gjithë me pishtarë të ndezur hyjnë në shpellë.”
Në Asociacionin e Fotografëve Profesionistë anëtarësojnë 17 veta. Organizata punon për prezantimin e tyre jashtë shtetit, për mbrojtjen e të drejtave prej autori, për shkëmbimin e përvojës me kolegët e tyre nga jashtë, për shtimin e kualifikimit të tyre. Qëllimi kryesor i asociacionit është të bashkojë fotografët profesionistë në Bullgari. Disa prej anëtarëve janë pedagogë në universitete dhe kolegje. Megjithëqë asociacioni është duke përgatitur realizimin e projekteve të tjera, ekspozita “Zakone të lashta dhe tradita nga Bullgaria” do të prezantohet edhe në vende të tjera të botës. “Kjo ekspozitë e mrekullueshme prezanton Bullgarinë shumë mirë në prag të kryesisë së saj të BE-së”, është e bindur Lilija Jotova.
Përgatiti në shqip: Svetllana Dimitrova
Mbi 30 studiues të gjuhës bullgare nga njëmbëdhjetë vende u mblodhën në një forum dyditor në Sofje dhe Plovdiv, kushtuar alfabetit cirilik, për të prezantuar arritjet e tyre më të fundit në studimin e veprës së Kirilit dhe Metodit dhe për të kujtuar se..
Gjatë fushatës së sivjetshme të kandidatëve për studentë, pyetja cila do të jetë diploma më e dëshiruar në Universitetin e Sofjes "Shën Kliment Ohridski" sikurse është retorike. Për katër vitet e fundit, zgjedhja numër një e studentëve të ardhshëm..
Më shumë se 75 vjet më parë, kishte nevojë që fëmijët e kopshtarëve bullgarë në Sllovaki të shkolloheshin, por diku ku, së bashku me shkencat e tjera, të mësonin historinë dhe kulturën e popullit të tyre në gjuhën e tyre amtare. Kështu, bullgarët nga..
Teatri Popullor "Ivan Vazov" do të kënaqë 120 adhurues të artit teatror me një biletë falas për një nga shfaqjet e sezonit të tij të ri në vjeshtë...