Kryetari i Kuvendit Bullgar Dimitër Gllavçev dhe homologu i tij grek Nikolaos Vucos diskutuan në Sofje marrëdhëniet e dy shteteve, problemet që kërkojnë zgjidhje të përbashkëta, korridorin transportues multimodal, i cili do t’i lidhë qytetet Ruse dhe Selanik dhe kryesinë tonë të ardhshme të Këshillit të Bashkimit Evropian: Takimi ishte hapi i radhës në komunikimin e nivelit të lartë mes dy shteteve.
Tema kryesore ishte krijimi i ashtuquajturit Grupi Ballkianik në kuadrin e Bashkimit Evropian, në të cilin do të hyjnë Bullgaria, Greqia dhe Rumania. Perspektiva për aderimin e Ballkanit Perëndimor është theksi i Kryesisë bullgare të Këshillit të Bashkimit Evropian dhe tri shtetet anëtare të Bashkimit mund të bëhen ura ndaj shteteve të tjera nga rajoni, duke i ndihmuar për plotësimin e kritereve për aderim.
Problemet e përmendura, të cilat kërkojnë përpjekje të përbashkëta janë kriza e klandestinëve, çështjet e stabilitetit dhe sigurisë, zhvillimi ekonomik dhe afrimi social. Bashkëbiseduesit ranë dakord se nuk duhet të ketë një Evropë e shpejtësive të ndryshme dhe se kërkesat dhe rregulloret e Bashkimit duhet të zbatohen në mënyrë të barabartë nga të gjithët.
Koniunktura historike, në të cilën Bullgaria do ta fillojë kryesinë e saj të Këshillit të BE-së, është shumë e rëndësishme – tha Kryetari i Parlamentit grek, sepse diskutimi për të ardhmen e Evropës është në kulmin e tij. Gjatë 6 muajve - nga janari deri në qershor të 2018-ës politikanët evropianë do të duket t’u japin përgjigje pyetjeve a do ta përforcojnë Bashkimin Evropian dhe a do të vazhdojë të ekzistojë ai?
Nikolaos Vucis premtoi përkrahje nga ana e Greqisë gjatë kohës së kryesisë bullgare, sepse Greqia ka mjaft përvojë si anëtare e vjetër e Bashkimit. Kryesia e shtetit tonë do të japë mundësi për të dëgjuar zërat e shteteve ballkanike, të cilat mund të kontribuojnë për qëndrueshmërinë në kufirin e jashtëm të Bashkimit. Simbolet e bashkëpunimit janë projektet infrastrukturore në fushën e transportit dhe komunikimeve. Tani më i madhi prej tyre është korridori transportues multimodal që do të t’i lidhë portet e lumit Danub me ato të Detit të Zi dhe Detit Egje.
Për sa u përket marrëdhënieve dypalëshe Dimitër Gllavçev nënvizoi se Bullgaria dhe Greqia kuptohen shumë mirë edhe duke folur për marrëdhëniet mes qeverive, edhe për ato mes të dy popujve. Nga ana e vet Nikolaos Vucis falënderoi për mirëpritjen e Bullgarisë për studentët, afaristët dhe nëpunësit grekë tek ne, kështu edhe për punën e mrekullueshme të profesorëve në specialitetin e filologjisë greke në universitetet bullgare, të cilët përforcojnë lidhjet dhe shkëmbimin kulturor mes dy shteteve.
Përgatiti në shqip: Jordanka Ivanova
Mickovski ka marrë mandatin për formimin e qeverisë në Maqedoninë e Veriut Lideri i VMRO-DPMNE-së, Hristijan Mickovski ka marrë mandatin deri më 24 qershor për të paraqitur në Kuvend përbërjen dhe programin e qeverisë së re të Maqedonisë së..
Të dielën, më 9 qershor, Bullgaria zgjedh përbërjen e Asamblesë së 50-të Kombëtare. Këto janë zgjedhjet e gjashta të parakohshme parlamentare me radhë brenda dy vitesh e gjysmë , por këtë herë ato përkojnë edhe me zgjedhjen e Parlamentit të ri Evropian..
290 mijë bullgarë që duan të votojnë më 9 qershor nuk kanë vendosur ende se për kë. Ky është 10% e atyre që deklarojnë se do të shkojnë për të votuar, tha për bTV Dobromir Zhivkov nga “Market Links”. Sipas sondazhit të agjencisë, formacionet politike..