Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Natën para Pagëzimit të Shpëtimtari tonë Jisu Krisht uji ndalon të lëvizë, që të pastrohet

БНР Новини

Pas festave të mëdha të fundvitit humori festiv i bullgarëve po vazhdon me shënimin e një prej festave më të respektuara dimërore – Pagëzimi i Shpëtimtarit tonë Jisu Krisht, ose Theofania. Kjo festë e ndritshme na rikujton për pagëzimin e Jisu Krishtit në lumin Jordan. Sipas besimeve popullore natën para Theofanisë – më 6 janar, uji i të gjithë lumenjve, burimeve dhe liqeneve ndalon të lëvizë, që të pastrohet. Dhe pas kësaj ai merr një fuqi të madhe pastruese.

Снимка

Në vigjilje të Theofanisë, si dhe në vetë festën kryhet Shërbesa e Bekimit të Madh të Ujit dhe ceremonia e hedhjes së kryqit në ujërat e lumenjve. Gjatë Shërbesës bekohen simbolikisht të gjitha ujërat e tokës.

Снимка

Në Bullgari pas një liturgjie solemne në sheshin para Sinodit të Shenjtë bekohen flamujt luftarakë dhe trupat ushtarake. Tradita i ka rrënjat e saj që në kohën e mbretit Simeon i Madh, kur para betejës te lumi Ahelloj në vitin 917 flamujt bullgarë dhe ushtarakët tanë u bekuan me Ujin e Bekuar.

Снимка

Sipas Kishës sonë Ortodokse Uji i Bekuar përdoret për dëbimin e ndotjes shpirtërore dhe asaj trupore. Prandaj të gjithë besimtarët marrin nga ky ujë, që ta përdorin gjatë tërë vitit në rast vuajtjeje të shpirtit dhe trupit. Në ditën e Theofanisë, pas liturgjisë solemne prifti i çon besimtarët te burimi më i afërt, që ta bekojë. Atje ai e hedh kryqin dhe megjithë temperaturën e ulët edhe të rinjtë, edhe të vjetrit konkurrojnë se kush do ta nxjerrë nga uji.

Снимка

Sipas traditës së vjetër meshkujt nga qyteti Kallofer buzë malit Stara Pllanina, të veshur me kostume popullore hyjnë në ujërat e akullta të lumit Tunxha, që të hedhin vallen e njohur të meshkujve. Njerëzit e vjetër thonë se në qoftë se moti është i kthjellët dhe kryqi ngrihet në ujë, viti do të jetë i begatshëm. Sipas besimeve fetare Uji i Bekuar ka një fuqi të madhe pastruese. Prandaj bullgarët i bekojnë shtëpitë e tyre me të, që t’i dëbojnë fuqitë e këqija.

Sipas besimeve popullore Theofania konsiderohet si dita e fundit e të ashtuquajturave “ditë të ndyra” (nga Krishtlindjet deri në 6 janar). Në tryezë në mbrëmjen festive ofrohen pite, kulaçe, japrakë me gjethe lakre, speca të mbushura, lakër, fasule, ara, verë. Këtë ditë festojnë të gjithë që e kanë emrin Jordan, Jordanka, Danço, Dana, Bojan, Bogdan, Bogdana etj.

Fotografi: BGNES



Последвайте ни и в Google News Showcase, за да научите най-важното от деня!

Më shumë nga rubrika

22 Marsi është dita e Veliko Tërnovos – një ditë për të nderuar të kaluarën e lavdishme të qytetit

Veliko Tërnovo krenohet me të kaluarën e tij të lavdishme, e cila është e koduar edhe në festën e qytetit, e lidhur me ditën e Dyzet Martirëve të Shenjtë – mbrojtësit shpirtërorë të kryeqytetit mesjetar. Në ditën e 40 ndjekësve të Krishtit (22 mars..

botuar më 25-03-22 8.05.PD

"Provadia - Kriporja" është kandidate për Etiketën e Trashëgimisë Evropiane

Kompleksi prehistorik "Provadia - Kriporja" – kriporja dhe qendra më e vjetër urbane në Evropë (5600 - 4350 para Krishtit), është ndër objektet e propozuara për Etiketën e Trashëgimisë Evropiane - 2025. Qytetërimi evropian ka filluar nga..

botuar më 25-03-14 6.36.MD

Kisha “Shën Dyzet Dëshmorët” është një vend i shenjtë për historinë bullgare

Më 9 mars, Kisha Ortodokse nderon kujtimin e Dyzet Dëshmorëve të Shenjtë nga Sebastia e Armenisë. Këta janë 40 luftëtarë trima që refuzuan të adhuronin perënditë e vjetra pagane dhe në vitin 320 pranuan martirizimin për besimin e tyre në Krisht...

botuar më 25-03-09 10.05.PD