#WeRemember është titulli, me të cilin sivjet Ministria e Punëve të Jashtme zgjodhi të tregojë simpatinë e vet ndaj Ditës ndërkombëtare për përkujtimin e viktimave të Holokaustit - 27 janar. Në iniciativë u përfshinë mbi 120 nëpunës nga të gjitha drejtoritë e Dikasterit diplomatik, të cilët postuan në faqet e veta në rrjetet sociale një fotografi të përbashkët me mesazhin “Ne mbajmë mend!”. Zëvendëskryeministrja dhe ministrja e punëve të jashtme Ekaterina Zaharieva rikujtoi ngjarjet rreth shpëtimit të 48 000 izraelitëve bullgarë gjatë periudhës së Luftës së Dytë Botërore. Sipas fjalëve të saj kjo vepër e popullit bullgar gjithmonë do të mbahet mend dhe do të përmendet nga e gjithë bashkësia ndërkombëtare.
“Në këtë ditë më e rëndësishmja është të japim shembull me veprimet tona personale, se gjuha e urrejtjes dhe e dhunës janë absolutisht të papranueshme” – me këto fjalë ministrja Ekaterina Zaharieva hapi në godinën e Ministrisë së Punëve të Jashtme ekspozitën “Përtej detyrës”, kushtuar Ditës ndërkombëtare për kujtimin e viktimave nga “kampet e vdekjes”. Ajo prezantoi veprimtarinë e 36 diplomatëve prej 21 shteteve, të cilët kanë shpëtuar qindra izraelitë me rrezik për jetën e tyre personale gjatë Luftës së Dytë botërore. Ekspozita është përgatitur nga Ambasada e Izraelit dhe është në bazë të projektit të Qendrës botërore për rikujtimin e viktimave të Holokaustit “Yad Vashem”. Në lidhje me këtë Organizata e izraelitëve në Bullgari “Shallom” dalloi bullgarët e merituar në kuadrin e fushatës së vet “75 vjet - personat dhe fytyrat e paharrueshme të shpëtimit”.
Në momentin, kur Bullgaria po shënon 75 vjet nga shpëtimi i hebrenjve të vet, në Sofje ndodhet dhe një ekspozitë tjetër, e siguruar nga Muzeu shtetëror “Auschwitz-Birkenau” në Poloni, i cili sivjet feston 70 vjet nga krijimi i vet. Kampi gjerman i përqendrimit “Auschwitz-Birkenau” është simboli i Holokaustit dhe vendi më i njohur i gjenocidit në botë. Gjatë vitit 2005, gjatë kohës së 60 vjetorit nga çlirimi i kampit, Asambleja e Përgjithshme e OKB-së shpall 27 janarin për ditën ndërkombëtare për përkujtimin të viktimave të Holokaustit. Që të prezantojë ekspozitën “Njerëzit dhe ngjarjet. 70 vjet një veprimtari të Muzeut shtetëror “Auschwitz-Birkenau” në Sofje mbërriti personalisht zëvendës drejtori i tij Anxhej Kacozhik. Ai rikujtoi se, ky muze është hapur si rezultat i përpjekjeve të ish të burgosurit në kampet e përqendrimit, kurse akti formal, me të cilin bëhet kjo është ligji i posaçëm i pranuar nga Kuvendi i Polonisë gjatë vitit 1947. Atëherë një pjesë nga kompleksi i kampit është kthyer në muze, i cili është një farë monumenti dhe dëshmi për krimet naziste në Poloni. Misioni kryesor i muzeut është të zhvillojë veprimtari arsimuese dhe të ruajë dëshmitë e atyre, të cilët janë shpëtuar, si dhe konservimi dhe mirëmbajtja e çdo gjëje, që ka mbetur nga ish-kampi i vdekjes. Ekspozita “Njerëzit dhe ngjarjet” është mund të shihet Institutin kulturor polak në Sofje dhe do të mbetet aty deri më 15 shkurt.
Përgatiti në shqip: Nataniela Vasileva
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Të dielën e tetë pas Ngjalljes së Krishtit, ne kremtojmë një nga festat më të rëndësishme për mësimin e krishterë, Rrëshajën. Në këtë ditë, Fryma e Shenjtë - Personi i Tretë i Trinisë së Shenjtë - zbret në tokë për t'iu shfaqur dymbëdhjetë apostujve,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..