Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria pret me optimizëm Pjongçang 2018 pas dy olimpiadave dimërore pa medalje

БНР Новини
Foto: pyeongchang2018.com

Ngjarja më e madhe sportive gjatë këtij dimri padyshim që janë lojërat olimpike në Pjongçang (Koreja e Jugut). Bullgaria mbeti pa dekorata nga Soçi 2014 (i Rusisë) dhe Vankuvër 2010 (i Kanadasë), por adhuruesit e sporteve të dimrit presin me padurim olimpiadën e ardhshme dhe kanë pritje optimiste, se atletët vendas do të mundin të fitojnë të paktën 1 medalje.

Hapja e lojërave do të zhvillohet më 9 shkurt, kurse Bullgaria do të marrë pjesë në Pjongçang me 21 sportistë në 6 sporte: biatlon, ski-vrapim, ski-kërcim, ski alpine, sana dhe snowboarding. Për herë të parë, pas lojërave në Allbervill (Altberville të Francës) gjatë vitit 1992, Bullgaria do të marrë pjesë në garat e biatlonit me një përbërje të plotë prej 10 vetave. Këta janë Krasimir Anev, Vlladimir Iliev, Anton Sinapov, Dimitër Gerxhikov, Mihaill Kleçerov, Emilija Jordanova, Desisllava Stojanova, Stefani Popova, Daniella Kadeva dhe Milena Todorova. Në ski-vrapimin do të marrin pjesë Veselin Cinzov, Jordan Çuçuganov dhe Antonia Grigorova-Burgova. Në garat e skive të stilit alpin në Pjongçang do të marrin pjesë Albert Popov, Maria Kirkova dhe Kamen Zllatkov, kurse në ski-kërcim vëmendja e bullgarëve do t’i drejtohet Vlladimir Zografskit, i cili po arrin rezultate të mira në këtë sport dhe do të marrë pjesë për herë të dytë në olimpiadë dimërore, pavarësisht se në Bullgari prej vitesh nuk ka kushte për zhvillimin e këtij sporti. Përfaqësuesi bullgar në garat e rrëshqitjes me saja është Pavell Angjellov, kurse në snowboarding do të konkurrohen Aleksandra Zhekova, Radosllav Janklov dhe Teodora Pençeva.

Medalja e fundit bullgare nga olimpiada dimërore është ajo e argjendtë e Evgjenia Radanovës në disiplinën short track nga Torino2006, por tani pritjet e mëdha për medalje të federatës Bullgare në ski dhe të adhuruesve të sporteve dimërore janë lidhur me prezantimin e sportistëve më të mirë bullgarë me snaubord - Aleksandra Zhekova /snowboardcross/ dhe Radosllv Jankov /slalom gjigant paralel/.Arritjet e shkëlqyera të Jankovit gjatë viteve të fundit dhe dy titujt e tij botërorë në disiplinën slalom i madh paralel, i detyruan ekspertët tanë vendas dhe të huaj të parashikojnë se Bullgaria mund të ikë me medalje në snowboard nga olimpiada në Korenë e Jugut.

Radosllav Jankov do të mbajë flamurin e delegacionit bullgar gjatë kohës së ceremonisë zyrtare të hapjes së lojërave. Përpara gazetarëve Aleksandra Zhekova deklaroi se gjendet në një formë shumë të mirë dhe ka qëllime mjaft ambicioze për Pjongçang 2018, që do të jetë olimpiada e katërt në karrierën e saj.

Pritjet e mëdha për medalje janë drejtuar Aleksandra Zhekovës dhe Radosllav Jankovit.

Pikërisht përpara 20 vjetëve pas përfshirjes së tij për herë të parë në lojërat olimpike, sisiplina e snowboardit akoma nuk ka humbur frymën e vet rinore dhe Komiteti Olimpik Ndërkombëtar përsëri ka drejtuar vështrim drejt tij në provë të tërheqë interesin e auditorit të ri drejt lojërave olimpike dimërore. Gjatë këtij dimri për herë të parë adhuruesit e sporteve dimërore do të shikojnë disiplinën  Big Air – plot me adrenalinë të shkëlqyer, e cila provon se ku janë kufijtë e mundësive njerëzore. Mjerisht Bullgaria nuk do të ketë pjesëmarrës në këtë disiplinë të re atraktive, si dhe në garat Slopestyle, të cilat gëzojnë një popullaritet mjaft të madh mes të rinjve, mirëpo zhvillimi i kësaj disipline mbase do të ndihmojë për përparimin e saj edhe në vendin tonë.

Po mbeten vetëm disa ditë deri në fillimin e lojërave të 23 olimpike në Pjongçang, të cilat premtojnë emocione të forta, kurse tifozët bullgarë do të ndjekin me vëmendje prezantimin e sportistëve tanë në forumin më të madh dimëror sportiv.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Rositsa Dençeva e nisi me fitore në Roland Garros

Rosica Dençeva u kualifikua në raundin e dytë të kampionatit të hapur të tenisit të Francës për vajza pas fitores vendimtare (6:2, 6:2) ndaj australianes Alana Subasic, e cila mori pjesë me një "wild card". Në ndeshjen e radhës tenistja bullgare do..

botuar më 24-06-04 11.26.PD
Grigor Dimitrov

Grigor Dimitrov për herë të parë do të luajë në çerekfinale në Paris

Grigor Dimitrov regjistroi paraqitjen e tij më të mirë në Roland Garros. Pas suksesit ndaj Hubert Horkaç, ai do të luajë në çerekfinale, ku e pret italiani Janik Siner. Bullgari ra disa herë në fushë pasi ai nuk donte të humbiste asnjë goditje. Në..

botuar më 24-06-03 8.51.PD

Boksieri Radosllav Rosenov fitoi një kuotë për Olimpiadën në Paris

Nënkampioni evropian i boksit Radosllav Rosenov fitoi një kuotë olimpike në kategorinë 63.5 kg pasi mposhti Aleksandru Paraskiv të Moldavisë në turneun në Bangkok. Kështu ai u bë boksieri i pestë bullgar me kuotë për lojërat në Paris. Te femrat..

botuar më 24-05-31 1.54.MD