Programi i ditës

Radioja Kombëtare Bullgare © 2021 Të gjitha të drejtat janë të rezervuara

Thellohet bashkëpunimi bullgaro serb në fushën e turizmit

{ include file="./partials/authors.html" } БНР Новини
Sllobodan Unkoviç – Zëvendësdrejtor i Organizatës Turistike të Beogradit, Maria Llaboviç, Renata Pinxho, Nikolina Angellkova dhe Vihra Ognjanova – drejtoreshë ekzekutive e Prim Expo – organizator i “Vakancia & Spa ekspo” /“Pushimet dhe SPA Ekspo”/
Foto: primdesign.com

Gjellët e shijshme, kultura e afërt, mikpritja – këto veti u bëjnë përshtypje gjithnjë e më shumë bullgarëve, të cilët udhëtojnë në Serbi. Në të njëjtën kohë turistët serbë janë nga turistët më të preferuar në bregdetin bullgar dhe në vendpushimet tona të mëdha dimërore. Mirëpo, turizmi i Serbisë nuk është vetëm gastronomi, ose mikpritje, kurse mundësitë për turizëm në Bullgari nuk kufizohen vetëm në pushimet verore në bregdet ose në vendbanimet dimërore. Prandaj qëllimi Nr. 1 i politikës në sferën e turizmit është mirëmbajtja e interesit ndaj ofertave tona turistike gjatë tërë vitit. Ka premisa për këtë, kurse kushtet janë shumë të favorshme që prej disa vitesh. Bullgaria është anëtare e Bashkimit Evropian, kurse Serbia ecën me bindje gjithnjë e më të madhe në rrugën drejt anëtarësimit të saj në bashkësi. Regjioni arriti të qetësohet pas lëkundjeve gjatë viteve 90 të shekullit të kaluar dhe tashmë nuk është pika më e trazuar e kontinentit.

Në këtë sfond edhe Serbia, edhe Bullgaria kanë mundësi të shkëlqyeshme për arritjen e marrëveshjeve me interes të përbashkët. Pritet që të bëhet një hap i konsiderueshëm gjatë pranverës me nënshkrimin e një memorandumi për bashkëpunim. Në një takim të ministrave evropianë të turizmit në Sofje në mes të shkurtit të këtij viti Ministrja bullgare Nikolina Angellkova bëri të ditur se Bullgaria dhe Serbia kanë dëshirë të bashkëpunojnë në punimin e itinerareve të përbashkëta turistike drejtuar tregjeve më të largëta. Që të nënvizohet interesi i Serbisë, në Sofje erdhi edhe Zëvendësministri serb i Tregtisë, Turizmit dhe Telekomunikacioneve Renata Pinxho. Bashkë me homologët e saj ajo zbuloi bursën më të madhe turistike në Bullgari. “Vakancia & Spa ekspo” /“Pushimet dhe SPA Ekspo”/, e cila për herë të parë në historinë e saj 35 vjeçare kishte një vend partner dhe kjo ishte Serbia. Bullgaria do ta kthejë gjestin vitin tjetër në Ekspozitën Turistike të Beogradit (Beogradski sajam turizma). Sipas Renata Pinxhos marrëdhëniet tona të mira fqinjësore ndikojnë shumë mirë edhe mbi lidhjet turistike.

Kjo që i karakterizon marrëdhëniet mes Serbisë dhe Bullgarisë është bashkëpunimi jashtëzakonisht i suksesshëm dypalësh në të gjitha fushat, sidomos në turizëm – thotë Renata Pinxho. – Në Sofje e shqyrtuam tekstin e memorandumit për mirëkuptim dhe do ta nënshkruajmë gjatë prillit ose majit të këtij viti. U morëm vesh gjithashtu për organizimin e një forumi të biznesit mes agjencive turistike bullgare dhe atyre serbe, pronarëve të hoteleve dhe kryetarëve të bashkive. Duam që t’i bashkojmë përpjekjet tona edhe në krijimin e një produkti të përbashkët turistik për tregun e Kinës. Serbia është vendi i vetëm në Evropë, i cili hoqi vizat për shtetasit e Kinës dhe kemi një vijë direkte ajrore me Pekinin. Nga ana tjetër Bullgaria ende nuk është anëtare e Zonës së Shengenit dhe mund t’u lëshojë viza kinezëve. Ka akoma dy projekte mbi të cilat mund të bashkëpunojmë në kuadrin e programeve evropiane për bashkëpunim transkufitar. Njëri ka të bëjë me zhvillimin e turizmit kulinar dhe të rrugëve të verës, kurse tjetri – me trashëgiminë kulturore nga koha e Perandorisë Romake. Do të përqendrohemi te certifikimi i monumenteve kulturore ortodokse. Pasi marrim certifikatë evropiane do të mund t’u ofrojmë një produkt të tillë të përbashkët edhe vendeve të treta.” 

Krahas projekteve të përbashkëta të ardhshme mes Serbisë dhe Bullgarisë në turizëm, të dyja vendet vazhdojnë të ofrojnë njëri tjetrin mundësi turistike. Bullgaria përfundoi me sukses pjesëmarrjen e vet në bursën turistike në Beograd, që mbaroi më 25 shkurt, kurse Serbia do ta vërë theksin te turizmi i saj në Bullgari akoma disa herë këtë vit – thotë Maria Llaboviç, drejtoreshë ekzekutive e Organizatës Turistike të Serbisë.

Kemi pritje të mëdha për tregun bullgar. Prandaj edhe këtë vit ishim partner i bursës në Sofje dhe jemi krenarë për këtë fakt. Që ta popullarizojmë produktin tonë turistik, organizojmë vizita në Serbi për gazetarët bullgarë dhe për përfaqësues të agjencive turistike. Në Bullgari gjithashtu do të organizojmë disa aktivitete. Vitin e kaluar organizuam në Sofje Ditë të Serbisë. Tani përsëri planifikojmë një gjë të tillë, sepse krahas kontakteve më të ngushta me biznesin turistik, duam që të arrijmë te konsumatori i fundit i shërbimeve turistike.”

Sipas statistikës gjatë 10 viteve të fundit numri i turistëve bullgarë në Serbi është rritur tri herë. Sipas të dhënave zyrtare të Institutit Republikan të Statistikave të Republikës së Serbisë gjatë vitit 2017 vendi është vizituar nga 91 233 turistë bullgarë, të cilët kanë kaluar mbi 148 000 net në vend. Nga ana tjetër, turistët serbë janë shtetasit e huaj, të cilët e vizitojnë më shpesh Bullgarinë. Numri i tyre gjatë vitit të kaluar është rritur me mbi 5 për qind kundrejt vitit 2016 dhe tejkalon 394 000 veta.

Përgatiti në shqip: Vesella Mançeva

Më shumë nga rubrika

Bileta për teleferikun e skive në Bansko rritet me nja 10-15 për qind

Çmimi i biletës për teleferikun në një nga pushimoret më të njohura bullgare - Bansko, do të rritet me 10-15 për qind, tha për Radio Bllagoevgrad drejtori i zonës së skive Ivan Obrejkov. Shtrenjtimi imponohet për shkak të çmimeve më të larta të..

botuar më 21-11-29 11.48.PD

Pamporovo është duke përgatitur pistat për skiatorët

Pushimorja jonë dimëror Pamporovo në Rodopet po pret skiatorët e parë të sezonit. Temperaturat minimale aty tashmë zbritën nën zero gradë dhe impiantet e borës artificiale nga mbrëmja e djeshme po punojnë në zonat e pistave. Parashikohet që sezoni..

botuar më 21-11-25 12.14.MD

Hapet sezoni i skive në Bansko

Më 18 dhjetor zyrtarisht do të hapet sezoni dimëror i skive 2021/2022 në vendpushimin Bansko në malin Pirin. Nga pushimorja u kujtojnë mysafirëve se sivjet qendra e skijimit do të punojë me masa të rrepta sigurie për shkak të situatës së pandemisë...

botuar më 21-11-20 6.00.PD