Gjatë verës së vitit 2017 katër instrumentistë u mblodhën në një formacion me qëllimin e vetëm të prezantojnë lirisht konceptin e tyre për traditën muzikore botën tonë të globalizuar. Gërshetimin e tingëllimit etno ballkanik dhe botëror sugjeron edhe emri i projektit – një ide ambicioze, realizimi i së cilës kërkon cilësi jashtëzakonisht të larta prej instrumentisti dhe përvojë në gjinitë e ndryshme.
Në thelbin e formimit të grupit Glo Bal Kan Project është fyelltari virtuoz Nedjallko Nedjallkov. Ai është solist në Orkestrën e Muzikës Popullore të Radios Kombëtare Bullgare, pjesëmarrës në shumë formacione ndërkombëtare. Gjatë vitit 2011 ishte pjesë e projektit të ekzekutuesit dhe studiues të njohur të muzikës mesjetare Zhordi Savall, i cili fitoi “Grami” në kategorinë “Ansambli i vogël i vjetër”. Të gjithë muzikantët pjesëmarrës në Glo Bal Kan Project janë improvizues të shkëlqyeshëm, të cilët brenda viteve kanë vërtetuar profesionalizmin e tyre të lartë. Stojan Jankullov – Stunxhi, i cili është në bateritë, është një nga muzikantët më të njohur të shkollës bullgare të perkusive. Njihet me idetë jo standarde muzikore për realizimin e të cilave shpesh aplikon teknika të reja. Ai ka një prani të fortë në muzikën xhaz, pop, rok dhe etno. Petër Millanovi është kitaristi i projektit dhe në disa pjesa i bie tamburit. Ai është pjesë e Orkestrës së Ansamblit Kombëtar Folklorik “Filip Kutev”. Megjithëkëtë ai përfshihet në formacione, të cilët kërkojnë, si të thuash, “një lexim të ri” të traditave. Saksofonisti Vlladimir Kërparov është një muzikant i njohur xhaz. Nedjallko Nedjallkov është i bindur, se përveç mjeshtërisë prej ekzekutuesi me rëndësi është edhe miqësia midis kolegëve, e cila e bënë muzikën më emociononte.
“Në lidhje me përvjetorin e 140-të të Çlirimit të Bullgarisë kemi ndërmend të realizojmë tri koncerte – tregon muzikanti. – Më 1 mars, Ditën e Gjyshes Marta, kemi koncert në Sofje, më 2 mars do të na dëgjojë publiku në qytetin Pllovdiv, ndërsa më 3 mars jemi në qytetin tim të lindjes Haskovo. Për koncertet zgjodhëm këngë të bukura bullgare, tri prej të cilave në aranzhim të Vllaldimir Kërparovit. Publiku do të dëgjojë edhe shumë muzikë prej autori krijuar mbi bazë bullgare por me një nuancë ballkanike. Në disa prej veprave përfshimë edhe vegla pak të njohura muzikore. Dëshira jonë është që muzika të provokojë emocione pozitive dhe dashuri.”
Përgatiti në shqip: Svetllana Dimitrova
Foto: arkiv personal
Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e shënon me një sërë ngjarjesh. Ndër to është edhe koncerti i Korit të Dhomës të Sofjes “Vasill..
Një version i ri dhe tejet emocionues i këngës së tyre legjendare “Përrallë” do të prezantohet nga muzikantët e grupit P.I.F. Emra ikonë nga estrada bullgare janë ndër këngëtarët që marrin pjesë në incizimin e ri. Kështu, në vend të zërit të..
Kur një person zbulon talentin brenda vetes, asgjë nuk mund ta ndalojë atë të zhvillohet dhe të ndjekë rrugën e ëndrrave të tij. Dhuntinë e të kënduarit dhe të interpretuarit në skenë e ka këngëtarja e re Viktoria Asenova. Ajo filloi të merret me..
Një version i ri dhe tejet emocionues i këngës së tyre legjendare “Përrallë” do të prezantohet nga muzikantët e grupit P.I.F. Emra ikonë nga estrada..
Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e..