Presidenti turk shpalli kontrollin e plotë mbi qendrën e Afrinit
Presidenti i Turqisë Rexhep Erdogan shpalli, se nënreparte të Ushtrisë së Lire Siriane të përkrahur nga Forca të Armatosura Turke morën kontrollin e plotë mbi qendrën e Afrinit. Pushtimi i qytetit ishte qëllimi kryesor i operacionit ushtarak turk “Dega e Ullirit”, të cilin Ankaraja e nisi më 20 janar për të pastruar rajonin kufitar midis Sirisë dhe Turqisë nga repartet kurde për mbrojtjen e popullit. Pasi turqit e ashpërsuan ofensivën ditët e fundit më se 200 mijë civilë e braktisën Afrinin.
Para vizitës në Maqedoni ministri i jashtëm grek mori një letër plotë kërcënime
Vetëm disa ditë para vizitës zyrtare në Maqedoni ministri i jashtëm grek Nikos Koxijas mori një letër kërcënimi me një plumb përbrenda. Gjatë kësaj jave pritet, që ministri të prezantojë në Shkup një projekt marrëveshje për zgjidhjen e problemit me emrin. Sipas një informacioni jozyrtar të burimeve greke, ministri përfshiu në projekt pesë emra të reja të vendit. Ndër to ai preferon “Maqedonia e Re” dhe “Maqedonia e Sipërme”. Kushtet e palës greke për finalizimin e marrëveshjes janë ndryshimi i kushtetutës maqedonase dhe një tekst special për heqjen dorë nga pretendime territoriale.
Kryeministri i Maqedoni ka ndërmend të bëjë ndryshime në kabinet
Kryeministri i Maqedonisë Zoran Zaev njoftoi, se do të bëjë ndryshime në qeveri gjë pas së cilës pret që përkrahja për koalicionin në pushtet të shtohet. Supozohet se do të zhvillohen bisedime me të gjitha formacionet opozitare politike me përjashtim të VMRO-DPMNE-së. Ndryshimet në kabinet do të kontraktohen me ato forca dhe deputetë, të cilët pranojnë programin qeveritar për përfshirje në shumicën parlamentare.
Thirrje e presidentit serb drejt kombit
Në një thirrje të jashtëzakonshme drejt kombit lidhur me problemin kosovar dhe situatën e rëndë demografike në Serbi, presidenti serb Aleksandër Vuçiç tha, se në se shqiptarët nuk do të bëjnë kompromis, atëherë nuk do të ketë zgjidhje. Një projekt për zgjidhjen e çështjes kosovare presidenti do të shpallë muajin e ardhshëm. Kreu i shtetit paraqiti të dhëna shqetësuese për uljen e natalitetit, duke theksuar, se në se Serbia do të vazhdojë ashtu, ajo do të zhduket si komb. Për këtë arsye qeveria ndërmori masa për shtimin e natalitetit. Disa prej tyre do të hyjnë në fuqi nga 1 korriku, ndërsa të tjerët në fillim të vitit të ardhshëm.
Në Shqipëri u zbuluan 7 grupe të strukturave kriminale për falsifikimin e dokumenteve
Drejtori i përgjithshëm i policisë së Shqipërisë Ardi Veliu njoftoi, se pas një hetimi të vazhdueshëm ndërkombëtar policor u zbuluan 7 grupe kriminale, të cilat vepruan në territorin e 10 shteteve dhe ndihmuan shqiptarë të hyjnë në BE-në me dokumente të falsifikuara udhëtimi dhe identiteti. Për dokumentet e falsifikuara secili paguante nga 9 750 deri në 30 000 dollarë. Deri tashti në këtë mënyrë në SHBA-në, Kanadanë dhe Britaninë e Madhe hyrën përafërsisht 1 000 shqiptarë. Gjatë operacionit u arrestuan 39 veta, ndër të cilët edhe dy shtetas bullgarë.
Përpiloi: Stoimen Pavllov
Përgatiti në shqip: Svetllana Dimitrova
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..
Java e parë e Shkollës Verore të Gjuhës dhe Kulturës Bullgare në Fakultetin e Gjuhëve të Huaja në Universitetin e Tiranës u mbyll me sukses. Ajo ishte mjaft e pasur në përmbjatje. Filloi Shkolla Verore e Gjuhës Bullgare në Tiranë Gjatë..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..