Muzeu Regjional Historik në qytetin Sliven i dhuroi Bibliotekës “Hristo Botev” në Kishinau disa botime. Biblioteka në fjalë u krijua në vitin 1992 nga diaspora bullgare në Moldavi dhe përbën një filial të Bibliotekës së Qytetit. Librat në të janë kryesisht letërsi klasike bullgare dhe botime të lidhura me historinë e atdheut të stërgjyshërve të bullgarëve të Besarabisë, pra Bullgarisë. Në këtë vatër kulturore bullgarët mblidhen për të shënuar çdo festë, organizohen kurse të gjuhës bullgare, ka një grup i valleve dhe këngëve popullore. Biblioteka është një nga vendet e respektuara nga bashkatdhetarët tanë në kryeqytetin moldavian.
Për librat më të rinj në bibliotekën e Kishinaut tregon drejtori i Muzeut Regjional Historik në qytetin Sliven Nikollaj Sirakov:
“Botime tona i dhuruam jo vetëm bibliotekës “Hristo Botev” në Kishinau, por edhe Gjimnazit të Bollgardit në Ukrainë. Nuk duhet të harrojmë, se gjatë Luftës Ruso-Turke të viteve 1828-1829, pas tërheqjes së trupave ruse, një pjesë dërmuese e popullsisë së krahinave të qyteteve Slliven dhe Jamboll, iku dhe u vendos në Besarabinë e sotme. Kështu që është një gjë normale që muzeu ynë të shfaqë një qëndrim special ndaj këtij rajoni. Në muze punojnë specialistë, të cilët merren me studimin e procesit të emigrimit të bullgarëve nga ato dy vendbanime bullgare. Disa ishin flukset e emigrantëve gjatë viteve të ndryshme. Kishte edhe riemigrim. Ideja jonë ishte që t’u japim atyre botime, të cilët pasqyrojnë këtë problematikë dhe këto procese. Dërguam kryesisht botime të Muzeut Regjional Historik – Sliven me studime dhe doemos me një theks mbi këtë temë, e cila është tepër e ndjeshme për bashkatdhetarët tanë në Besarabi. Botimet i pasuruam me materiale etnografike, arkeologjike e kështu me radhë. Qëllimi është që të popullarizojmë dhe në të njëjtën kohë të tërheqim vëmendjen e bullgarëve të Besarabisë mbi historinë e mëmëdheut të stërgjyshërve të tyre, kështu që ata të ndjejnë se ne mendojmë dhe punojmë për ta. Ata janë bashkatdhetarë tanë dhe është e domosdoshme që të rinjtë të kenë të qartë se ku e kanë rrënjët, se në trojet tona jetuan paraardhësit e tyre.”
Vallë a shfaqin interes bullgarët e Besarabisë të kërkojnë rrënjët e tyre në vendin e paraardhësve?
“Mbajmë lidhje të ngushta me të gjitha organizatat, të cilat mbrojnë interesat e bullgarëve të Besarabisë në Moldavi. Punojmë aktivisht edhe me bullgarët të Besarabisë në Ukrainë. Qyteti Sliven u vëllazërua me qytetin Militopoll në Ukrainën Lindore, përreth të cilit ka më se 33 fshatra bullgare. Mbajmë lidhje të ngushta me qytetin Odes në të cilin është e përqendruar një diasporë e madhe bullgare. Tek ne pa u ndërprerë vijnë studentë nga Besarabia për të praktikuar. Ne i përfshijmë edhe në studimet tona. Para disa vitesh morën pjesë në gërmimet arkeologjike të Kështjellës Tuida – një monument arkeologjik nga epoka e antikitetit të vonshëm.
Atëherë me ne punuan bullgarë të Besarabisë nga Moldavia dhe Ukraina. Ideja është që nëpërmjet shkencës dhe kulturës të tërheqim ata të rinj dhe t’u tregojmë atyre, se i përkrahim. Mendoj, se arrijmë të plotësojmë këtë mision me sukses" – tha në përfundim drejtori i Muzeut Regjional Historik në qytetin Sliven, Nikollaj Sirakov.
Përgatiti në shqip: Svetllana Dimitrova
Foto: arkiv personaldhe bg.wikipedia.org
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë Veriperëndimore Vidin. Në të vizitorët mund të shohin veshjet, armët dhe armatimet e Mesjetës..
Hungaria mori presidencën në një moment kyç për Bashkimin Evropian, por edhe mes frikës se vendi do të bllokonte ose vononte çështje të rëndësishme të politikës së jashtme dhe të sigurisë që kërkojnë unanimitet. Vendi, i udhëhequr..
Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të Tiranës në periudhën 1-25 korrik 2024 . Kjo shkollë verore, e para dhe e vetmja e këtij lloji,..
Në një seri materialesh do t'ju tregojmë për vizat që kërkohen për qëndrim dhe kalim tranzit përmes Bullgarisë, si dhe për qytetarët e të cilave shtete..
Bullgaria i bashkohet konsorciumit evropian të qendrave kombëtare për trajtimin e kancerit. Para BNR-së, dr. Asja Konsullova theksoi se për këtë..
Bullgarët janë të vetëdijshëm për shkaqet dhe pasojat e ndryshimeve klimatike. Por ata janë të painformuar për kundërmasat. Këtë e tregojnë të dhënat..