Përfaqësues të më se 80 organizatave joqeveritare të Ballkanit Perëndimor dhe regjionit të Detit të Zi u mblodhën në Sofje për të krijuar një rrjet të monitorimit të politikave shtetërore në fushën e shëndetësisë, arsimit dhe barazisë së sekseve. Qëllimi është të formulohen politika të qëndrueshme dhe efektive për të ardhmen. Forumi në Sofje dha mundësi për kontakte midis vendeve të pellgut të Detit të Zi dhe të Evropës Juglindore. Një prioritet specifik i Presidencës Bullgare të Këshillit të BE-së është pikërisht perspektiva dhe konektiviteti evropian i Ballkanit Perëndimor. Me këtë argument Ministria e Punëve të Jashtme përkrahu dhe mori pjesë në organizimin e konferencës.
“Çdo nismë e sektorit civil ose rretheve akademike ndikon mbi presidencën bullgare” – tha Monika Panajotova – zëvendës ministre e Presidencës Bullgare të Këshillit të BE-së 2018. “Si kryetare e Këshillit të BE-së Bullgaria merr pjesë në grupin e punës, i cili merret me aplikimin e qëllimeve globale të zhvillimit në shtetet e ndryshme. Temat për sigurinë, mjedisin, sfidat demografike, digjitalizimin, “revolucionin 4.0” përbëjnë sfida në sferën e rendit dhe sigurisë së brendshme, sigurisë energjetike, mbrojtjen kibernetike dhe sigurinë sociale. Për kapërcimin e të gjitha këtyre sfidave është i domosdoshëm një qëndrim kompleks dhe integruar. Që t’u përgjigjemi realiteteve të reja është i domosdoshëm një transformim i shoqërisë dhe i ekonomisë. BE-ja nuk është vetëm një bashkim i shteteve ose një lidhje të ekonomive, ai është më tepër një bashkim i konektivitetit midis njerëzve. Çdo nismë dhe veprim konstruktiv të cilët sigurojnë qëndrueshmërinë dhe progresin, kanë vlerën e tyre të shtuar.”
“Shkaku, që në rendin e ditës të përfshihet politika e shteteve evropiane ndaj migrantëve ishte, se ajo ushtron një ndikim të madh mbi shoqërinë” – tha në diskutimin e tij Shejmës Xhefersën – drejtor i organizatës joqeveritare CONCORD për ndihmë dhe zhvillim. “Brenda dy-tre viteve të fundit politika ndaj migrantëve në BE-në të përkrahur nga qeveritë e shteteve përkatëse evropiane, realizohet nën tezën mbrojtëse, se duhet t’i jepet fund fluksit të emigrantëve. Një e pesta e ndihmës së lëshuar për përballimin e problemeve me migrantët përbëjnë para, të cilat bëhen premisë për korrupsion në shtetet evropiane. Mirëpo çmimi për këtë fluks të migrantëve paguhet këtu në Evropë, jo në ndonjë shtet tjetër, qoftë Afrikën, qoftë Amerikën Latine, qoftë Azinë. Pranimi, integrimi, qëndrimi i njerëzve që mbërrijnë në Evropë ndihmohet me mjete financiare të caktuara për luftimin e varfërisë. Më shumë mjete u harxhuan për ndihmë të refugjatëve, se sa për ndihmë humanitare për rajonet e varfra. Është paradoksale sepse u përfshin çfarëdolloj masash pa platforma të menduara kombëtare, dhe në vend të zgjidhet, problemi u zmadhua. Kjo i detyrohet mënyrës së gabuar të shfrytëzimit të fondeve. Prandaj puna e sektorit joqeveritar është që tani të zbulojë për çfarë harxhohen mjetet shoqërore dhe në ç’shkallë ato fonde arrijnë qëllimet për të cilat u krijuan ose u riorientuan.”
Përgatiti në shqip: Svetllana Dimitrova
Foto: bg-eupresidency.gov.bg
Burgas po pret javën e pesëmbëdhjetë evropiane të qenve, njoftoi BTA. Fillon më 6 korrik në zonën e Bazës së Kuajve në Kopshtin Detar dhe organizohet nga Unioni Republikan Bullgar i Kinologjisë, së bashku me Bashkinë. Forumi ndërkombëtar përfshin..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”. Dashamirët e kësaj marke po mblidhen më 6 korrik (e shtunë) në zonën "Kostina", ku do të parakalojnë..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe pse kjo është e dobishme për ta. Në shkolla nuk ka përkthim për fëmijët me probleme në të..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..