Bashkimi Evropian përjashtoi mundësinë për hapjen e kapitullit të ri në negociatat me Turqinë

Bashkimi Evropian hodhi poshtë mundësinë për hapjen e kapitullit të ri në bisedimet për aderimin e Turqisë. “Turqia është vend kandidat, partner i rëndësishëm i Bashkimit Evropian dhe lojtar kyç, por nuk ka ardhur momenti për hapjen e kapitullit të ri në bisedimet”, tha Përfaqësuesja e tanishme e Lartë e Bashkimit Evropian për Punët e Jashtme dhe Politikën e Sigurisë Federika Mogerini. “Analiza jonë tregon se vendi vazhdon të largohet me hapa të mëdhenj nga Bashkimi Evropian, më konkretisht në fushën e superioritetit të ligjit dhe të të drejtave themelore”, shtoi Komisionari Austriak Evropian Johanes Han, i cili përgjigjet për politikën e integrimit evropian. Bisedimet me Ankaranë filluan më 3 tetor 2005, por deri tani janë hapur 16 nga 33 kapitujt.

Ramush Haradinaj: Shtetet e Bashkuara po e zhvillojnë politikën tonë të jashtme, nuk më vjen turp që ta pohoj

Kryeministri i Kosovës Ramush Haradinaj ka deklaruar se autoritetet në Prishtinë nuk kanë politikë të jashtme, sepse ajo përcaktohet nga “klubi i udhëhequr nga Amerika”. “Ne jemi pjesë e Evropës dhe bashkëpunojmë me Brukselin dhe Berlinin. Por, kur bëhet fjalë për politikë të jashtme, ne jemi pjesë e klubit, i cili udhëhiqet nga Shtetet e Bashkuara dhe për ne ky nuk është problem. Ne nuk kemi kohë që të merremi me problemet botërore”, ka thënë Haradinaj në një intervistë televizive.

Në Turqi do të zhvillohen zgjedhje para afatit më 24 qershor

Presidenti i Turqisë Rexhep Tajip Erdogan shpalli se më 24 qershor në vend do të zhvillohen zgjedhje para afatit. Vendimi është marrë pas konsultimeve të tij me liderin e Partisë së veprimit nacionalist Devlet Bahçeli. Në këtë datë do të ketë dhe zgjedhje presidenciale dhe parlamentare. Fillimisht planifikohej që ato të ishin më 3 nëntor 2019. Zgjedhjet janë me rëndësi të madhe, sepse pas realizimit të tyre do të hyjë në fuqi pjesa më e madhe e ndryshimeve kushtetuese, të cilat forcojnë autoritetin dhe fuqinë e Kreut të Shtetit, të miratuara në referendumin gjatë prillit të vitit 2017.

Kandidatët e porsaardhur nga Turqia, të cilët kandidojnë për strehim, do të mund të lëvizin lirshëm nëpër vend

Drejtësia greke u lejoi azilkërkuesve të sapo ardhur në det nga Turqia, të cilët janë kandidatë për strehim, të lëvizin lirisht nëpër të gjithë Greqinë në pritje të rezultatit nga kërkesa e tyre për një të tillë. Ky vendim qe marrë në përgjigje të ankesës, të dhënë nga Këshilli grek i refugjatëve, i cili kritikon ndalimin e kandidatëve azilkërkues në ishujt në afërsi me Turqinë, ku tani janë grumbulluar rreth 15 000 veta. Vendimi do të aplikohet vetëm për të sapoardhurit.

Në Rumani për herë të parë u bë transplantim i mushkërive

Për herë të parë në Rumani u bë një transplantim i mushkërive, kurse operacioni i cili u bë në spitalin “Shën Mëria” në Bukuresht, ka zgjatur 7 orë. Udhëheqësi i ekipit i cili ka bërë transplantimin, është doktori Igor Tudorake, shef i Qendrës për transplantim të mushkërive në Hanover, i cili ka mbërritur me fluturim me avion nga Gjermania gjatë natës. Pacienti ndihet mirë dhe gjendet nën mbikëqyrje.

Përpiloi: Miglena Ivanova

Përgatiti në shqip: Nataniela Vasileva