Nikollaj Boevi është një i ri 29 vjeçar, ambicioz dhe i hapur për të renë. Tashmë pothuajse 15 vjet grumbullon përvojë si trajner dhe arbitër në një sport jo aq tradicional për meshkujt – gjimnastikën ritmike.
Kur ishte 12 vjeçar ai e pati fatin të takohet me trajneren Elena Simeonova, e cila zbuloi tiparet e tij fizike dhe shkathtësinë e lëvizjeve. Kështu ajo e ftoi të trajnojë në grupin e saj.
Nikollaj Boevi mbaroi Gjimnazin Tregtar Bankar në qytetin e lindjes Burgas. Vazhdoi studimet në Universitetin e Sofjes “Shën Klimenti i Ohrid” në specialitetin histori dhe pedagogjikë. Mirëpo, gjimnastika ritmike e magjepsi atë që në çastin e parë. Mjerisht në vendin tonë ky sport nuk praktikohet nga meshkuj, si për shembull në Japoni, Francë dhe Spanjë. Kështu i riu 15-vjeçar ishte i privuar nga mundësia të garojë në Bullgari. Nisi rrugën e vetme të logjikshme – u bë trajner dhe 17 vjeçar u certifikua për arbitër të gjimnastikës ritmike.
“Në fillim më pranuan më mirë jashtë shtetit, se sa në Bullgari – tregon Nikollaj Boev për hapat e parë në profesionin e trajnerit. – Në Bullgari ishin më skeptik. Por me kalimin e viteve arrita të provoj veten dhe tani më pranojnë si një trajner i mirë. Aktualisht jam trajner në ekipin kombëtar bullgar.”
Vitet e kaluara në stërvitje sistematike i japin Nikollajit një start të mirë në profesionin e zgjedhur. Përvoja e grumbulluar me veglat e ndryshme gjimnastikore i ndihmon atij t’u transmetojë dituritë dhe aftësitë e grumbulluara vajzave – shpresave të reja të gjimnastikës ritmike bullgare. Rezultatet nuk vonojnë. Aktualisht Nikollaj Boevi stërvit dy gjimnaste të ekipit kombëtar – Veronika Ljubçova dhe Petja Borisova, të cilat nga fillimi i vitit 2018 prezantuan Bullgarinë tepër denjë në turnetë ndërkombëtare në Norvegji, Hungari, Ukrainë, Bullgari.
Puna e trajnerit të ri tashmë njihet në rrethet e profesionistëve. Të shumta janë propozimet për punë, të cilat Nikollaj Boevi merr nga mbarë bota. Arritjet e tij i vuri re rusja Elena Karpushenko – trajnerе e kampiones së trefishtë Jana Kudrjavceva.
Vet Nikollaj Boev rrëfen, se:
“E njoh trajneren Karpushenko që prej kohe. Disa herë sportistet tona prezantoheshin në gara të njëjta. Bashkë me kampionen Kudrjavceva morën pjesë në garën për Kupën Botërore në Sofje vjet. Kur gjimnastja ime Petja Borisova prezantonte ushtrimin e vet, ato të dy duartrokitën mjeshtërinë e saj dhe pastaj më përgëzuan për nivelin e lartë, të cilin tregoi Petja si gjimnaste.”
Nikollaj Boevi është i bindur se si profesionist duhet të realizohet këtu. Në vitin 2016 krijoi klub të vet të gjimnastikës ritmike. Vallë a është i rreptë i vetmi në Bullgari, deri para pak kohe edhe në Evropë, burrë trajneri i gjimnastikës ritmike?
“Mendoj se jam një trajner rigoroz. Në fillim nuk isha aq kërkues, siç jam tani, por me vitet kuptova se është me rëndësi, se nuk duhet të lejohet shmangie nga udhëzimet dhe kërkesat. Është e domosdoshme njeriu të jetë i rreptë, por i drejtë. Fëmijët duhet të respektojnë trajnerit. Lidhjet miqësore që ekzistojnë midis nesh, nuk duhet të përziejmë me procesin e trajnimit. Sepse gjatë trajnimeve ato duhet të jenë profesioniste, të dinë se nga minuta e parë deri në të të fundit në sallë duhet të kryejnë punën e tyre me gjithë zemrën dhe me gjithë talentin. Vetëm kështu do të jenë në gjendje të avancojnë.”
Nikollaj Boevi i edukon gjimnastet e veta të jenë të forta dhe punëdhënëse, të besojnë se janë aq të mëdha se sa janë ëndrrat e tyre. Sipas tij ato vajza duhet të kenë të qartë se gjithçka arrihet me shumë punë dhe këmbëngulje. Ëndrra më e madhe e trajnerit Nikollaj Boev është që një vajzë e trajnuar prej tij të marrë pjesë në Lojëra Olimpike.
Përgatiti në shqip: Svetllana Dimitrova
Foto: arkiv personal
Radina Veliçkova fitoi medaljen e artë në 100 metra për vajza në Kampionatin Evropian të Atletikës së Lehtë nën 18 vjeç në Banska Bistrica të Sllovakisë. 16-vjeçarja Veliçkova përfundoi për 11.46 sekonda. Kështu ajo vendosi një rekord kombëtar bullgar..
FAI 2024 po mbahet me mbështetjen e Bashkisë së Varnës në datat 20 dhe 21 korrik në zonën pranë fushave të lojës të parkut l pranë Asparuhovës. Ndër pjesëmarrësit janë pilotë drone nga Bullgaria, Rumania, Serbia, Turqia, Letonia, Polonia, Italia,..
Më 21 korrik hapet në Lisbonë Kampionati Evropian për Persona të Transplantuar dhe Dializuar. Deri më 28 korrik, përfaqësues nga 28 vende do të festojnë fitoren e jetës mbi vdekjen, sepse një "po" mund të shpëtojë deri në tetë jetë njerëzish...
Canko Cankov u bë notari i parë që kapërceu një distancë prej mbi 100 km në lumin Danub. Ai e notoi pa ndalur 108 kilometra e 250 metra në lumin Danub..