Kënga “Bones”, me të cilën Bullgaria merr pjesë në edicionin e 63-të të “Eurovision”- it do të prezantohet më 8 maj, gjatë gjysmëfinales së parë të konkursit, në kryeqytetin portugez Lisbonë. Këngëtarët janë Zhana Bergendof, Vlladimir Mihajllov, Gjeorgji Simeonov-JJ, Xhoni Manjuell dhe Trej Kembëll, të gjithë të bashkuar në grupin Equinox. Projekti është krijuar posaçërisht për konkursin e këngëve, kurse ideja është e Borisllav Millanovit - producent dhe kompozitor. Ai është dhe autor i këngës "Bones" në bashkëpunim me Trej Kembëll, Joakim Pershon dhe Dag Lundberg. Kënga sjell mesazhe universale për vlerat e vërteta në jetë dhe dashurinë e pakushtëzuar, përtej kufizimeve të botës materiale.
Për prezantimin në “Eurovision-2018”, Televizioni Kombëtar Bullgar bashkëpunon me Symphonix International. Kompania e produksionit lidhet me sukseset bullgare në “Eurovision” gjatë dy vjetëve të fundit. Kompozicione të tyre janë "Beautiful Mess", në interpretim të këngëtarit Kristian Kostov, i cili fitoi vendin e dytë në konkursin gjatë vitit 2017 dhe "If love was a crime", me të cilën Poli Genova zuri vendin e katërt gjatë vitit 2016. Takimi i parë i kompanisë me “Eurovision” është gjatë vitit 2011, kur krijon këngën e Poli Genovës “Me inat”. Pas kësaj Symphonix fiton marrëveshje në Maqedoni, Serbi, kurse sivjet - edhe në Austri.
Tanimë është zhvilluar dhe prova e parë në Lisbonë, në të cilën këngëtarët bullgarë kanë mahnitur të pranishmit me interpretimin e vet tepër preciz vokal. Fill pas provës, delegacioni ynë dha një konferencë shtypi për mediet e huaja. Zhana, Vlladimir, Gjeorgji, Xhoni dhe Trej ndanë përshtypjet nga skena dhe treguan për prezantimin e vet skenik dhe për mesazhin e këngës. Siç transmetoi Agjencia Telegrafike Bullgare /BTA/, bookmakersit e kanë vënë këngën Bones mes 5 këngëve mundësisht fituese në “Eurovision”. Sipas prognozave, favorit në edicionin e sivjetshëm të “Eurovision”janë Izraeli, Franca, Australia, Norvegjia, Bullgaria, Estonia, Çekia, Suedia, Spanja dhe Italia.
Më 6 maj do të zhvillohet ceremonia e hapjes së edicionit të 63-të të konkursit ndërkombëtar “Eurovision”. Atëherë përfaqësuesit bullgarë do të kalojnë përmes qilimit të kuq në Lisbonë, bashkë me konkurrentët e vet nga 42 shtetet e tjera, të cilët sivjet do të përfshihen në garën më prestigjioze muzikore të Evropës. Për këngën bullgare do të mund të votojnë spektatorët dhe juritë e 21 shteteve /Austria, Azerbajxhani, Shqipëria, Armenia, Bjellorusi, Belgjika , Britania e Madhe, Greqia, Estonia, Izraeli, Irlanda, Islanda, Spanja, Qiproja, Letonia, Maqedonia, Portugalia, Finlanda, Kroacia, Çekia, Zvicra/.
Përgatiti në shqip: Nataniela Vasileva
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Ndonëse prej më shumë se 20 vitesh Magdalena Todorova Karamitevajeton me familjen jashtë vendit, kënga popullore bullgare e shoqëron kudo. Ajo është autore e dhjetëra teksteve, të cilat i shndërron në këngë, së bashku me bashkëshortin e saj -..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..