Ditën e shtunë dhe të diel është pika kulmore e edicionit të tretë të njërit prej festivaleve më origjinale në vend – “Opera e majave“ në Bellogradçik 

Ai zhvillohet  në kalanë e Bellogradçikut të themeluar akoma nga Perandoria Romake në mes të shkëmbinjve madhështor, me të cilët lavdërohet ky qytet në Bullgarinë Veriperëndimore. Shkëmbinjtë u përngjajnë figurave të mëdha njerëzore dhe mes tyre në ditët e festivalit gjallërojnë karakteret mbresëlënëse të personazheve të operës botërore. Programi muzikor është paraqitur nga këngëtarët e shkëlqyer dhe orkestra e Teatrit Operistik të Sofjes.

Publiku tanimë pati mundësinë të shohë shfaqjen e operës “Karmen” të kompozitorit francez Zhorzh Bize. Gjatë kësaj fundjave adhuruesit e përjetimeve ekstreme muzikore mund të shikojnë shfaqjen e muzikëlit me famë botërore – “Mamma mia” në bazë të këngëve të Benny Andersson dhe Björn Ulvaeus, nga grupi ABBA.

Një spektakël tjetër – impresioni shpellor “Perënditë, gjigantët, xhuxhët,” sipas motiveve të muzikës së Vagnerit, prezantohet në shpellën “Magura”. Kjo nuk është thjesht një ide origjinale për muzikën e këtij kompozitori të prezantuar në ambientin interesant të shpellës, por është një sintezë e arritjeve krijuese, të lidhura me prezantimin e krijimtarisë së Vagnerit tek ne.