Në faqen e vet në “Facebook” kryeministri i Maqedonisë Zoran Zaev u kërkoi falje “miqve dhe vëllezërve” bullgarë për komentin e vet të bërë në një intervistë televizive, në të cilën e përcaktoi Kryengritjen e Ilindenit si maqedonase. Duke e sqaruar të thënën si një “gabim të pavëmendshëm”, Zaev rikujtoi se, tanimë më shumë se një vit Maqedonia dhe Bullgaria  disa herë i festojnë bashkërisht ngjarjet e përbashkëta historike. Deklarata e kryeministrit maqedonas erdhi vetëm një ditë pasi në lidhje me komentin e tij televiziv homologu i tij bullgar Bojko Borisov tha se, “kur të vijë koha Bullgaria do të shprehë qëndrimin e saj për aderimin  e Maqedonisë ndaj Bashkimit Evropian, do të kujtohet për këto fjalë dhe do të marrë vendimin e vet”.