Me festime, koncerte dhe shfaqe teatrale qyteti Dobriç shënoi festën e tij – 25 shtator.

Në këtë datë më 1940 qyteti dhe tërë krahina Dobruxha Jugore në mënyrë diplomatike përsëri janë kthyer brenda kufijve të Bullgarisë, pasi në vitin 1913 padrejtësisht ato iu aneksuan Rumanisë. Pas Luftës së Dytë Botërore ato janë njohur zyrtarisht si territore bullgare me Traktatin e Paqes së Parisit (1947). Javën e kaluar Kuvendi Popullor i shpalli qytetet Dobriç dhe Tutrakan (në të njëjtën krahinë) për qytete të lavdisë luftarake bullgare.

Në historinë e ndërlikuar dhe kontradiktore të Luftës së Parë Botërore beteja për Dobruxhën Jugore kundër ushtrive të Antantës është një ngjarje e madhe dhe një kauzë e drejtë dhe heroike të popullit bullgar. Ajo është fituar në fushën e betejës, por pastaj është humbur politikisht, sepse në këtë luftë Bullgaria lufton si aleate e Gjermanisë. “Epopeja e Dobruxhës” (5-7 shtator 1916) është një operacion i shkëlqyer i ushtrisë tokësore, aviacionit dhe flotës së Bullgarisë, e cila përfundon me fitore kundër forcave të armikut.

Në lidhje me festën e qytetit dhe shpalljen e tij për qytet të lavdisë luftarake bullgare u emetua një pullë postare me imazhin e monumentit të heronjve të Epopesë së Dobruxhës.