Më 9 tetor në sallën Nr 1 të Pallatit Kombëtar të Kulturës u mblodhën fansat e formacionit muzikor “Akaga”. Gjatë koncertit prej dy orësh në skenë u shfaqën rreth 18 muzikantë, të cilët kanë dhënë kontributin e tyre për zhvillimin e grupit gjatë karrierës së tij 27 vjeçare krijuese. Shumë valle, këngë të bukura dhe pjesë instrumentale e argëtonin publikun.
Georgi Velev – një prej trombetarëve, i cili është në “Akaga” që nga vetë krijimi i tij, na tregoi për seleksionimin e këngëve, të cilat përfshinë muzikantët në program, si dhe akoma informacion interesant për bandën muzikore:
“Ne e bëmë zgjedhjen tonë nga gjithsej shtatë albume. Tani, me rastin e këtij koncerti incizuam akoma një të ri, në të cilin përfshimë këngë të paincizuara deri tani. Ai përfshin 11 pjesë dhe është në format CD. Ideja jonë ishte që të interpretonim këngë nga tri periudhat e grupit. Kështu bëmë një retrospeksion. Për këtë qëllim ftuam edhe muzikantët, të cilat kanë marrë pjesë në grupin tonë gjatë viteve të kaluara. E filluam koncertin me pjesët tona instrumentale, sepse para 27 vitesh startuam si formacion instrumental. Pas kësaj fansat tanë dëgjuan edhe këngë nga periudha e mesme me instrumentistët përkatës, që atëherë bënin pjesë në grup. E përfunduam koncertin me përbërjen e tanishme të grupit. Kur u grumbulluam, ne ishim në moshën 17-18 vjeç dhe të gjithë kishim kaluar përmes arsimit klasik muzikor. Mendoj se kjo është me rëndësi, edhe pse në disa momente mund të na kufizojë. Mirëpo, pikërisht arsimi muzikor na mësoi të jemi të disiplinuar. Kjo ishte me rëndësi për ne. Albumi ynë i parë ishte krejtësisht instrumental, por jam i qartë se edhe sot tingëllon në një mënyrë aktuale dhe moderne.”
Posaçërisht për koncertin nga Vancouver i Kanadasë mbërriti Kristijan Aleksandrov (bateri) dhe Jasen Vellçev (piano), gjithashtu ish anëtar i grupit. Kalin Veljov (perkusione), Ognjan Veskov (kitarë), Cvetan Nedjallkov (kitarë) dhe Emill Taslev (bateri), gjithashtu ishin ndër instrumentistët e ftuar. Vetëm Georgi Kornazov – një prej themeluesve kryesorë të grupit, nuk arriti të bëjë pjesë bashkë me ne në koncert. Ai është një prej muzikantëve më të shquar të stilit xhaz në Francë gjatë 25 viteve të fundit.
Gjatë viteve të kaluara muzikantët nga “Akaga” kanë interpretuar në festivale te ne dhe jashtë, përfshi këtu dhe në Montrjo. Kanë dhënë koncerte edhe në Rusi, në Balshoj Teatër, bashkë me Filarmoninë e Sofjes dhe “Misterin e Zërave Bullgarë”.
Tashmë 11 vite në “Akaga” bëjnë pjesë Krasimir Kurtev (bas, vokal), Ivo Kazasov (trumpet, vokal), Krasimir Kirillov – Xhoxho (trombon, vokal), Dimitër Mitev-Dëndi (bateri), Petër Gllavanov (kitara), Kalin Petrov (piano).
Koncerti më 9 tetor ishte një prej më të bukurave dhe ishte multimedial.
Përgatiti në shqip: Vesella Mançeva
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov,..
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River...
Nga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi..