Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Yje botërore mbërrijnë për Plovdiv Xhaz Fest 2018

БНР Новини
Jan Garbarek dhe Eliane Elias
Foto: plovdivjazzfest.com

Saksofonisti legjendar Jan Garbarek do të ekzekutojë muzikë për adhuruesit e vet të shumtë më 3 nëntor, në koncertin e fundit të festivalit. Mik i posaçëm në program është perkusionisti indian me famë botërore Trilok Gurtu. Forumi ndërkombëtar i xhazit hapet zyrtarisht më 31 tetor me ekspozitën “Koleksionuesi-improvizues”, që prezanton piktura nga koleksioni i Nikollaj Nedellçevit. Pason një “Natë me Eliane Elias” – koncert i këngëtares dhe pianistes magnetike braziliane.

Në Ditën e iluministëve kombëtarë, festivali organizon një takim letrar-bisedë nën moton “Gravitacioni i ndritshëm i fjalëve”. Më 1 nëntor janë dhe koncertet e Dena DeRose/ Shtetet e Bashkuara/, Teodosij Spasov dhe Vllatko Stefanovski. Dena DeRose do të zhvillojë dhe një klasë mjeshtërie në xhaz, vokal dhe piano. Më 2 nëntor do të dëgjojmë Dave Holland Quartet. Kontrabasisti i cili e ka filluar karrierën e vet nga kuarteti i Miles Davis, gjatë 50 vjetëve të kaluara ekzekuton muzikë krahas me emrat më të mëdhenj në xhaz. Bashkë me të në skenën në Plovdiv do të jetë dhe saksofonisti i njohur Chris Potter.

Sipas traditës festivali do të japë dekoratën e vet për kontribut të gjithanshëm. Sivjet ajo i jepet xhaz-formacionit “Të bardhë, të gjelbër dhe të kuq” nga qyteti Plovdiv. Me këtë çmim do të dekorohet pas vdekjes dhe pianisti i madh i xhazit Rumen Toskov-Rupeto, i cili gjatë vitit 2018 do të mbushte 50 vjet.

Interesant dhe shumë mirë i zgjedhur është dhe programi i koncerteve të klubeve, të cilat janë çdo natë në Bee Bop Cafe. Ato do të jenë të Milen Kukosharov kuartet, Hristo Jocov& Jazz Cats, Oktet Plovdiv dhe pianistit Ivan Gërbaçev, i cili  do të paraqesë albumin e tij të ri.

Dhe sivjet Plovdiv Xhaz Fest organizon një konkurs rinor. Finalistët në të do të zhvillojnë koncerte më 3 nëntor, kur juria do të përcaktojë dhe fituesit.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

“Bërë për mua” – kënga më e re e Elia Todorova

“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..

botuar më 24-07-05 6.15.PD

Mbrëmjet e verës në Sofje bëhen edhe më romantike - fillon A to JazZ

Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..

botuar më 24-07-04 8.40.PD

Një këngë e përjetshme bullgare në një version të ri

Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..

botuar më 24-07-02 8.10.PD