Ne jemi fëmijë nga kryeqyteti. Çdo gjë të cilën e duam, na jepet pothuajse në sekondë. Kemi shtëpi, ushqim dhe një mjedis social. U menduam për faktin nëse që të gjithë njerëzit janë të favorizuar si ne? Realiteti është se, ka njerëz me shtëpi pothuajse të rrëzuara, kanë shumë pak ushqim dhe mezi e përballojnë jetën. Për ta jeta është ditë më ditë. Për ta pothuajse nuk di asnjë ose u kthehen një vëmendje minimale. Këto janë fjalë të nxënësve nga klasa e 11 në gjimnazin privat anglez “Profesor Ivan Apostollov” në Sofje, të cilët vendosën të vizitojnë fshatrat Prollaznica, Graniçak, Kraçimir dhe Struindoll në krahinën e qytetit Vidin dhe të ndihmojnë me aq sa mundin njerëzit e moshuar aty.
Në fakt, detyra të zgjedhin një iniciativë vullnetare, të cilën të mund ta ndihmojnë, është e vënë nga shkolla në të cilën mësojnë. Por, adoleshentët vendosën jo thjesht të përkrahin ndonjë kauzë dhe të grumbullojnë para për të, por vetë të merren me organizimin dhe të marrin pjesë personalisht në çdo një hap nga kjo nismë fisnike.
“Kur shqyrtuam se çfarë iniciative të zgjedhim, kujdestari ynë i klasës Atanas Dimitrov na tregoi për një vajzë, e cila ka shkuar nëpër fshatrat në Bullgarinë Veriperëndimore dhe u ka ndihmuar njerëzve. Ne u frymëzuam shumë nga kjo ide dhe vendosëm dhe ne të bëjmë një gjë të tillë” – tregon për iniciativën “Misioni Mirësi” Margarita Strateva.
Nxënësit zgjodhën 4 fshatra të shpopulluara, në të cilat jetojnë nga rreth 10 banorë, nuk ka dyqan, kurse gjëja e vetme e cila furnizohet aty është buka. Nuk dinë asgjë për njerëzit, por janë të përmbushur me një dëshirë të madhe dhe entuziazëm të mësojnë sa më shumë për ta për kohën të cilën do ta kalojnë aty.
“Ndamë 2 ditë –1 dhe 2 dhjetor, sepse mbase ata jo që ditën e parë do të bien dakord ne të hyjmë në shtëpitë e tyre – sqaron Dimitër Stojanov. Prandaj fillimisht do të shkojmë t'i njohim dhe të bisedojmë pak me ta, që të mund të kuptojmë se çfarë njerëzish kanë qenë, çfarë kanë punuar, me çfarë janë marrë. Duam t'i ndihmojmë me ushqime dhe me rroba, sepse sipas nesh kjo është më e nevojshmja dhe këto janë gjërat më të rëndësishme, të cilat do t'i bëjnë të ndihen mirë dhe të jetojnë qetë. Duam ta bëjmë këtë dhe për shkak të kontaktit social, sepse kohët e fundit mbase nuk ka pasur njerëz të rinj rreth tyre, kurse midis të tjerave këta njerëz kanë se çfarë të tregojnë dhe ne do të donim ta dëgjonim dhe pas kësaj ta ndajmë përpara botës.”
Nxënësit nga klasa e 11 mësojnë Ekonomi dhe Menaxhim. Bamirësia në pamje të parë nuk ka asgjë të përbashkët me këto dy degë. Por, nxënësit e kuptojnë se gjërat të cilat i mësojnë /organizim dhe punë në ekip/ janë me dobi në kauzën bamirëse. Kurse vetë ideja fiton një jehonë të gjerë dhe përkrahje:
“Prindërit e mi u gëzuan shumë kur dëgjuan, se ka një iniciativë të tillë, bile më pyetën nëse do të marrë pjesë edhe unë. Shoku im më i ngushtë po kështu tha se do dhe ai të përfshihet” – tregon Dimitër. Kurse Margarita shton: “Në fakt, mjaft njerëz na ndihmuan dhe shumë shokë të mi po kështu, gjë e cila më befasoi. Dhe gëzohem shumë, se në ndonjë farë mënyre i frymëzojmë njerëzit rreth nesh. Prindërit e mi po kështu krenohen shumë.”
Të rinjtë do t'u shpien njerëzve të moshuar në fshatrat e shpopulluar produkte me afat më të gjatë përdorimi, konserva, letër higjienike, rroba. Për këtë qëllim do të hapin një pikë grumbullimi më 23 dhe 24 nëntor, kur çdo një prej nesh do të mund të shpjerë dhurimin e vet. Është hapur po kështu dhe një llogari, paratë nga e cila do të shkojnë përsëri për ushqim, ilaçe ose me to do të paguhen llogaritë e tyre për korrent dhe për nevoja të tjera.
“Shpresojmë të vazhdojmë t'i ndihmojmë këta njerëz. Gëzohemi shumë se i bëmë njerëzit të mendojnë për ndonjë tjetër përveç për veten e vet. Jo vetëm të fokusohen mbi jetën e tyre të përshpejtuar në qytet, por të mendohen se çfarë ndodh në fshat, si jetojnë njerëzit aty dhe të mundohen të ndihmojnë. Bile nuk duhet të jenë ndonjë farë shumash të mëdha, thjesht të dhurojnë diçka nga vetja e vet” – apelon Dimitër Stojanov.
“Po, do të donim të vazhdonim me kauzën, me qenë se ka një efekt të madh pozitiv mbi të gjithë ne, na jep shumë përvojë, dhe në qoftë se gëzojmë ndonjë njeri, do të jetë shumë mirë” – ripohon fjalët e tij në emër të të gjithë klasës Margarita Strateva. “Kujdestari ynë i klasës na mëson të jemi njerëz më të mirë e të njerëzishëm, sepse në kohën e sotme çdo gjë është shumë e përshpejtuar në qytet, çdo një është futur në telefon ose në kompjuter dhe harrojmë të jemi të njerëzishëm njëri me tjetrin.”
Përgatiti në shqip: Nataniela Vasileva
Foto: arkiv dhe arkiv personal
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin e 129 vjetorit nga ngjitja e parë e organizuar deri në pikën më të lartë të malit Vitosha ...
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..