Ekspozita Ndërkombëtare për bujqësi, industri ushqimore dhe kopshtari në Berlin (18-27 janar) mbledh në një vend produkte dhe ekspozues nga 65 shtete. Bullgaria përsëri merr pjesë në këtë aktivitet me pavijon të saj, ku janë prezantuar 31 firma.

Pjesë prej tyre janë specializuar në prodhimin e produkteve bio,  mjaltit, vajrave eterike, verës, si dhe të kërpudhave të varietetit japonez “shiitake”. Kërpudha e cila quhet edhe perandorake, ka veti kuruese dhe përdoret për luftë kundër qelizave kanceroze  në organizëm, në rast të diabetit edhe për parandalimin e atakut kardiak.

Kryeqyteti gjerman është mikpritës i Ekspozitës Ndërkombëtare që nga viti 1926. Për 84 edicionet brenda 93 vjetëve të kaluar, ekspozita vërtetoi, se traditat dhe novitetet në bujqësi dhe industrinë ushqimore mund të gërshetohen me sukses në emër të zhvillimit të degës.