Pa diskutime dhe debate, parlamenti më në fund miratoi Ligjin për vënien e euros në qarkullim në Bullgari. Ligji u mbështet nga 167 deputetë nga GERB, Lëvizja për të Drejtat dhe Liritë (DPS) dhe "Po e vazhdojmë ndryshimin - Bullgaria Demokratike" (PP-DB). 48 deputetë votuan kundër dhe 13 abstenuan. Kabineti detyrohet të kërkojë një raport të jashtëzakonshëm nga Komisioni Evropian për ecurinë e vendit drejt adoptimit të euros pasi të arrijë të mbulojë kriterin e inflacionit – i vetmi që nuk e përmbush deri më tani. Deri në 14 ditë pas përmbushjes së këtij kriteri, kabineti është i detyruar të propozojë adoptimin e euros nga 1 korriku 2025. Deri më tani, vendet nuk janë pranuar në eurozonë në mes të vitit, por nuk ka një rregull të përcaktuar, që kjo të ndodhë detyrimisht nga fillimi i vitit kalendarik . Data aktuale për vënien e euros në qarkullim do të përcaktohet me një vendim të Këshillit të BE-së.

Lexoi më shumë:

• Leva do të jetë e këmbyeshme përgjithmonë edhe pas futjes së euros

• Bullgaria në Eurozonë – avantazh apo disavantazh?

• BQE me vlerësim pozitiv për Ligjin për vënien e euros në qarkullim në Bullgari