Më magjepsi dhe më pëlqeu së tepërmi shkrirja e kulturave, se ky është një vend, në të cilin botët e ndryshme gërshetohen. Në qendër të Sofjes shikojmë kisha ortodokse, kishë katolike, xhami, sinagogë, krahas institucionevе politike. Përmes këtyre godinave ne fitojmë një përfytyrim real për të gjitha ndikimet kulturore gjatë viteve. Kjo është shumë interesante dhe mendoj se përbën një nga pasuritë e mëdha të Bullgarisë.
Të tilla janë përshtypjet e para për Bullgarinë të Shkëlqesisë së Saj Muriel Berset Kohen, ambasadore e Konfederatës së Zvicrës tek ne. Me të bisedojmë për pikët e takimit midis të dyja vendeve dhe bashkëpunimin shumëvjeçar bullgaro-zviceran. Aktualisht Zvicra është investuesi i tetë për nga madhësia në Bullgari, kurse programi bullgaro-zviceran për bashkëpunim financon fusha me prioritet për vendin tonë si arsimi, ndihma sociale, përkrahja e shoqërisë civile, siguria publike, ekologjia e të tjera. Vlera e përgjithshme e projekteve del në 76 milionë franga zvicerane dhe në këtë mënyrë Zvicra kontribuon për pakësimin e dallimeve ekonomike dhe sociale midis vendeve – anëtare të sapo pranuara të Bashkimit Evropian dhe shteteve të tjera të tij. Mes tyre është dhe projekti “Arsim dual për kërkesat dhe nevojat moderne të shoqërisë” (Dual Education for the Modern Neds and Requirements of the Society), i cili gërsheton përvojën zvicerane me traditat e mira të arsimit profesional bullgar. Sipas fjalëve të ambasadores Kohen arsimi është mes faktorëve kryesorë për rritjen ekonomike, kurse në Bullgari gjithnjë e më shumë njerëz të rinj e të arsimuar ikin nga vendi:
Një nga problemet e mëdha është mungesa e krahut të kualifikuar të punës – thotë zonja Muriel Berset Kohen. Prandaj është shumë e rëndësishme që njerëzit, të cilët mbeten të jenë të arsimuar dhe të përgatitur nga ana profesionale, që të mund të marrin pjesë në zhvillimin ekonomik të vendit. Sepse, kriza demografike pengon zhvillimin e Bullgarisë.
Një nga zgjidhjet e këtij problemi është përfshirja sociale e pakicave përmes arsimit cilësor parashkollor dhe fillor.
Një shtet nuk ka sesi të zhvillohet ekonomikisht, në qoftë se një pjesë nga popullsia e tij mbetet e paarsimuar, dhe numri i njerëzve pa kualifikim rritet me ritme të shpejta. Prandaj është në interes të të gjithëve që arsimi të fillojë akoma që në një moshë të herët fëmijërore. Ne kemi një situatë të ngjashme në Zvicër, ku një çerek nga popullsia është e huaj. Shumë fëmijë nuk flasin në shtëpi frëngjisht ose gjermanisht dhe në qoftë se nuk shkojnë në kopsht, ku mund të mësojnë shumë lehtë gjuhën e vendit, pas kësaj kanë probleme në shkollë. Prandaj gëzohem shumë se Zvicra e ndihmon Bullgarinë në këtë drejtim përmes programit “Shëndetësi dhe Arsim për të gjithë” (Healthcare and Education for All)
Thonë se Bullgaria i përngjan Zvicrës...
Kemi një pikë takimi të përafërt dhe kjo është natyra. Zvicra është një vend i vogël dhe tre të katërtat nga territori i saj është malor. Male të shumta dhe lugina dhe çdo një i ka veçoritë e veta dhe traditat e veta. Kjo vërehet dhe këtu. Zviceranët janë shumë të lidhur pas natyrës dhe pas ruajtjes së saj, sepse e kuptojnë se vendi është i vogël dhe duhet ta ruajnë. Natyra e bukur është ajo e cila na lidh. Mes programeve tona për bashkëpunim ka dhe projekte për ruajtjen e mjedisit dhe kujdesin për të. Natyra duhet të mbrohet, prandaj është me rëndësi të mund të gjeni pikën e balancës midis rritjes ekonomike, zhvillimit të infrastrukturës dhe mbrojtjes së mjedisit. Kurse kjo është një sfidë e madhe në kohën e sotme, sepse planeti është ngushtuar.
Zhvicra është mes vendeve me sporte më të zhvilluara dimërore, të cilën shumë shpesh e përdorim si shembull, kur bëhet fjalë për synimet e investitorëve në vendpushimet dimërore bullgare:
Para 40-50 vjetëve nuk qemë kaq të ndjeshëm sa i përket ruajtjes së natyrës. Ndërtuam gjëra, të cilat po t’i bënim tani do t’i bënim ndryshe, sqaron ambasadorja Muriel Berset Kohen. Tanimë nuk duam të ndërtojmë godina të mëdha në mal. Njerëzit, të cilët shkojnë për ski-pushim nuk kanë dëshirë të bien përsëri në një mjedis qytetar. Atë e kanë gjatë gjithë vitit dhe duan ta kalojnë pushimin e tyre në një vend të pastër me një ajër të mirë, në vila të vogla malore. Qëndrimet dhe kërkesat ndryshuan dhe prandaj mendoj se, tani në Bullgari kjo është më e vlefshmja - natyra e ruajtur. Pikërisht natyra e virgjër, larmia e pasur biologjike, të cilët nuk takohen në ndonjë vend tjetër, i tërheqin turistët e huaj. Ky është përparësia juaj para destinacioneve të tjera turistike.
Përgatiti në shqip: Nataniela Vasileva
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin e 129 vjetorit nga ngjitja e parë e organizuar deri në pikën më të lartë të malit Vitosha ...
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord. Lulëzimi intensiv i ullinjve u dha shpresë prodhuesve akoma në pranverë pas sezonit të dobët të..
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në Turqi dhe Greqi presin një rendiment më të mirë të ullinjve Vjelja e vajit të ullirit në Turqi do të jetë rekord...
Ekspozita, lexime malore nga librat për Bullgarinë, poezi dhe muzikë - këto janë vetëm një pjesë e programit të Bibliotekës së Kryeqytetit me rastin..